క్యాన్సర్ అంటే చాలా పెద్ద రోగం అని అందరూ అనుకుంటారు. ఒకప్పుడు క్యాన్సర్ ప్రాణాంతకం అయ్యేది.. కానీ ఇప్పుడు చికిత్స చేస్తే నయం చేయగలుగుతున్నారు. క్యాన్సర్ స్టేజ్‌ను బట్టి దాని నుంచి బయట పడొచ్చు. వివిధ రకాల క్యాన్సర్లు ఉన్నాయి. వాటిలో నోటి క్యాన్సర్ ఒకటి. నోటి క్యాన్సర్ అనేది నోటిలోని కణాల యొక్క అనియంత్రిత పెరుగుదల, ముఖ్యంగా పొలుసుల కణాలు. నోటి క్యాన్సర్ పెదవుల నుంచి టాన్సిల్స్ (గొంతు ప్రాంతం) వరకు ఎక్కడైనా సంభవిస్తుంది. పొగాకు నమలడం, మద్యం సేవించడం, సిగరెట్ తాగడం వల్ల నోటి క్యాన్సర్ వస్తుంది. తరచుగా బ్రష్ చేయడం, ఫ్లాసింగ్ చేయడం, టూత్ బ్రష్‌లను మార్చడం వల్ల నోటి కణాల అసాధారణ పెరుగుదలను నిరోధించవచ్చు. ఓరల్ క్యాన్సర్, ప్రపంచవ్యాప్తంగా ఆరవ అత్యంత సాధారణ క్యాన్సర్, మహిళల కంటే ఎక్కువ మంది పురుషులను ప్రభావితం చేస్తుంది.
నోటి క్యాన్సర్ ఎవరికి రావచ్చు?
అనేక రకాల పొగాకు/తమలపాకు వాడకం ఉన్నవారిలో.
ఆల్కహాల్, పొగాకు కలిపి వాడే వారు నాలుగు రెట్లు ఎక్కువ.
HPV (హ్యూమన్ పాపిల్లోమా వైరస్) HPVతో ఇన్ఫెక్షన్ 30 ఏళ్లలోపు వ్యక్తులలో నోటి క్యాన్సర్ ప్రమాదాన్ని పెంచుతుంది.రోగనిరోధక శక్తి తక్కువగా ఉన్నవారు,
రేడియోథెరపీ-కీమోథెరపీ, అవయవాలను దానం చేసినవారు, సూర్యరశ్మికి గురైన వారికి క్యాన్సర్ వచ్చే అవకాశం ఉంది.
నోటి క్యాన్సర్ ప్రపంచవ్యాప్తంగా ఆరవ అత్యంత సాధారణ క్యాన్సర్. ఓరల్ క్యాన్సర్ పురుషుల్లోనే ఎక్కువగా కనిపిస్తుందని సర్ హెచ్‌ఎన్ రిలయన్స్ ఫౌండేషన్ హాస్పిటల్‌లో ఆంకాలజీ చైర్మన్ డా. విజయ్ వి హరిభక్తి తెలిపారు. పేలవమైన దంత ఆరోగ్యం కూడా నోటి క్యాన్సర్‌కు దారి తీస్తుంది.
నోటి క్యాన్సర్ యొక్క లక్షణాలు
నోటిలో ముద్దలు ముద్దులుగా ఉండటం
విపరీతమైన నోటి పుండ్లు.
నయం చేయని పుండు
నోటిలో ఎరుపు లేదా తెలుపు మచ్చలు
మింగడం లేదా నమలడం కష్టం.
ఈ లక్షణాలు నోట్లో కనిపిస్తే.. వెంటనే వైద్యులను సంప్రదించడం. నోటిలో పుండ్లు వేడి చేయడం వల్ల వస్తాయి.. కానీ అవి వారానికి తగ్గిపోతాయి. అలా తగ్గుకుండా తరచూ వస్తుంటే మాత్రం అశ్రద్ధ చేయకండి. క్యాన్సర్ నయం చేయగలిగిన వ్యాధే..కానీ అది స్జేజ్‌ను బట్టి ఉంటుంది. మొదటి రెండు స్టేజ్‌లో చికిత్స మొదలుపెడితే.. దాని నుంచి బయటపడొచ్చు.
