అర‌టి పండ్లను తిన‌డం వ‌ల్ల మనకు ఎన్నో లాభాలు క‌లుగుతాయి. ఈ పండ్ల‌లో ఉండే ఫైబర్ తిన్న ఆహారాన్ని త్వ‌ర‌గా జీర్ణం చేస్తుంది. మ‌ల‌బ‌ద్ద‌కం లేకుండా చూస్తుంది. అలాగే ఎక్కువ స‌మ‌యం పాటు ఆహారం తీసుకోకుండా ఉన్నా ఆక‌లి వేయ‌కుండా ఉంటుంది.
అర‌టిపండు పేద, మ‌ధ్య త‌ర‌గ‌తి, ధ‌నిక వ‌ర్గాలు.. అంద‌రికీ అందుబాటులో ఉండే పండు.. దీని ధ‌ర కూడా ఇత‌ర పండ్ల‌తో పోలిస్తే చాలా త‌క్కువ‌గానే ఉంటుంది. అందుక‌నే దాదాపుగా ప్ర‌తి ఇంట్లోనూ మనకు అర‌టి పండ్లు ఎక్కువగా క‌నిపిస్తాయి. అయితే ఈ పండ్లు ఏడాది మొత్తం మనకు అందుబాటులో ఉంటాయి. ఈ క్ర‌మంలోనే కొందరు వీటిని పండు రూపంలోనే తింటే.. కొందరు వీటితో మిల్క్‌షేక్‌లు, స్మూతీలు, డిజర్ట్స్‌, పాన్‌కేకులు చేసుకుని తింటుంటారు.
అయితే అర‌టి పండ్లను తిన‌డం వ‌ల్ల మనకు ఎన్నో లాభాలు క‌లుగుతాయి. ఈ పండ్ల‌లో ఉండే ఫైబర్ తిన్న ఆహారాన్ని త్వ‌ర‌గా జీర్ణం చేస్తుంది. మ‌ల‌బ‌ద్ద‌కం లేకుండా చూస్తుంది. అలాగే ఎక్కువ స‌మ‌యం పాటు ఆహారం తీసుకోకుండా ఉన్నా ఆక‌లి వేయ‌కుండా ఉంటుంది. ఇక అర‌టి పండ్ల‌లో మ‌న శ‌రీరానికి ప‌నికొచ్చే ఎన్నో పోష‌కాలు కూడా ఉంటాయి. ఒక మీడియం సైజు అర‌టిపండులో 27 గ్రాముల కార్బొహైడ్రేట్లు, 3 గ్రాముల ఫైబర్, 14 గ్రాముల స‌హ‌జ‌సిద్ధ‌మైన చ‌క్కెర ఉంటాయి. దీంతో మనకు 105 క్యాల‌రీల శ‌క్తి ల‌భిస్తుంది. అందుక‌నే చాలా మంది భోజ‌నానికి, భోజ‌నానికి మ‌ధ్య‌లో ఆక‌లి వేస్తే దాన్ని త‌ట్టుకోవ‌డానికి ఎక్కువగా అర‌టిపండ్ల‌ను తింటుంటారు.
ఇక రోజుకు గ‌రిష్టంగా ఎన్ని అర‌టి పండ్లను తినొచ్చ‌నే విష‌యానికి వ‌స్తే… యూఎస్‌డీఏ సూచ‌న‌ల ప్ర‌కారం ఎలాంటి అనారోగ్య స‌మ‌స్యా లేని ఆరోగ్య‌వంత‌మైన వ్య‌క్తులు రోజుకు గ‌రిష్టంగా రెండు పెద్ద అర‌టిపండ్ల‌ను తిన‌వ‌చ్చు. అదే మీడియం సైజ్ అయితే 3, చిన్న‌వి అయితే 5 అర‌టి పండ్ల వ‌ర‌కు తినొచ్చు. అదే డ‌యాబెటిస్ ఉన్న‌వారు అయితే అర‌టి పండ్లను అస్స‌లు తిన‌రాదు. ఎందుకంటే.. అర‌టిపండులో పెద్ద మొత్తంలో ఉండే కార్బొహైడ్రేట్లు గ్లూకోజ్‌గా మారి ర‌క్తంలో వెంట‌నే క‌లుస్తాయి. అందువ‌ల్ల షుగ‌ర్ లెవ‌ల్స్ అమాంతం పెరుగుతాయి. దీంతో ఇబ్బందులు క‌లుగుతాయి. అందువ‌ల్ల డ‌యాబెటిస్ ఉన్న‌వారు అర‌టి పండ్లను తిన‌క‌పోవ‌డ‌మే మంచిది.
