కొంతమందికి చర్మం ఎప్పుడు డ్రైగా ఉంటుంది. అలా ఉంటే.. వాళ్లు ఎంత తెల్లగా ఉన్నా సరే.. చూసేందుకు బాగుండరు. డ్రై స్కిన్ వల్ల వయసు పైబడినట్లు కనిపిస్తుంది. దీనికి ప్రధాన కారణం.. తగినంత నీరు త్రాగకపోవడం వల్ల చర్మం పొడిబారుతుంది. కాబట్టి నీళ్లు ఎక్కువగా తాగాలి. చర్మాన్ని తేమగా ఉంచడంలో సహాయపడే కొన్ని ఆహారాలను తెలుసుకుందాం.
ఈ జాబితాలో బాదంపప్పులు మొదటి స్థానంలో ఉన్నాయి. బాదంపప్పులో విటమిన్ ఈ పుష్కలంగా ఉంటుంది. వీటిలో యాంటీ ఆక్సిడెంట్లు కూడా పుష్కలంగా ఉంటాయి. కాబట్టి వీటిని మీ ఆహారంలో చేర్చుకోవడం వల్ల మీ చర్మం తేమగా ఉంటుంది.
ఈ జాబితాలో టమోటాలు రెండవ స్థానంలో ఉన్నాయి. టొమాటోల్లోని లైకోపీన్ శక్తివంతమైన యాంటీ ఆక్సిడెంట్. వాటిలో నీరు, విటమిన్ సీ కూడా ఉంటాయి. కాబట్టి టొమాటో చర్మంలో తేమను నిలుపుకోవడానికి సహాయపడుతుంది.
చియా విత్తనాలు జాబితాలో తర్వాతి స్థానంలో ఉన్నాయి. చియా గింజలు ఒమేగా-3 కొవ్వు ఆమ్లాలు, యాంటీఆక్సిడెంట్లతో నిండి ఉంటాయి. ఇది స్కిన్ హైడ్రేషన్‌ని మెరుగుపరచడంలో ఉపయోగపడుతుంది.
ఈ జాబితాలో కొబ్బరినీళ్లు నాలుగో స్థానంలో ఉన్నాయి. వీటిని రెగ్యులర్‌గా తాగడం వల్ల చర్మాన్ని హైడ్రేటెడ్‌గా ఉంచుకోవడం కూడా మంచిది.
ఈ జాబితాలో పెరుగు తర్వాతి స్థానంలో ఉంది. పెరుగు, ప్రోబయోటిక్ ఆహారం, చర్మ హైడ్రేషన్‌ను మెరుగుపరుస్తుంది. చర్మ ఆరోగ్యాన్ని కూడా కాపాడుతుంది.
ఈ జాబితాలో వాల్‌నట్‌లు ఆరవ స్థానంలో ఉన్నాయి. ఒమేగా-3 ఫ్యాటీ యాసిడ్స్, ఇతర విటమిన్లు సమృద్ధిగా ఉన్న వాల్‌నట్‌లను తీసుకోవడం వల్ల చర్మం తేమగా మరియు ఆరోగ్యంగా ఉంచడంలో సహాయపడుతుంది.
నారింజ మరియు ద్రాక్ష పండ్ల వంటి సిట్రస్ పండ్లలో విటమిన్ సి పుష్కలంగా ఉంటుంది. ఇది కొల్లాజెన్ ఉత్పత్తికి చర్మం తేమను నిలుపుకోవడానికి ఉపయోగపడుతుంది.
ఈ జాబితాలో దోసకాయ చివరి స్థానంలో ఉంది. దోసకాయలో 96% నీరు ఉంటుంది. కాబట్టి కీరదోసకాయ తినడం వల్ల చర్మ హైడ్రేషన్ మెరుగుపడుతుంది. వీటిని తినడం వల్ల చర్మం తేమగా ఉండటమే కాదు.. స్కిన్ హెల్తీగా ఉంటుంది.
