సురక్షితమైన సెక్స్ కోసం, అవాంఛిత గర్భధారణను నివారించడానికి కండోమ్‌లు అవసరం. కండోమ్‌లు దంపతుల మధ్య ఆరోగ్యకరమైన సంభోగాన్ని ప్రోత్సహిస్తాయి. ఇంతకు ముందు భారతదేశంలో కండోమ్‌ల గురించి ఓపెన్‌గా ఎవరూ మాట్లాడేవాళ్లు కాదు.. కానీ ఇప్పుడు అందరికి వీటిపై అవగాహన పెరిగింది.. అన్ని మెడికల్ షాపుల్లో, ఆన్‌లైన్‌లో దొరుకుతుంది.. భారతదేశంలో కండోమ్‌లను తయారు చేసి విక్రయించే కంపెనీలు పెద్ద సంఖ్యలో ఉన్నాయి. అందులో మ్యాన్‌ఫోర్స్ కండోమ్ మొదటి స్థానంలో ఉంది. మ్యాన్ ఫోర్స్ కాకుండా, భారతీయులు డ్యూరెక్స్, రేమండ్ కన్స్యూమర్ కండోమ్‌లను కూడా ఎక్కువగా కొనుగోలు చేస్తారు. ఎనిమిది రూపాయలకు కండోమ్‌లను విక్రయించి 8750 కోట్ల రూపాయల కంపెనీని నిర్మించిన సోదరుల గురించి ఇప్పుడు తెలుసుకుందాం.. ఇంత సక్సస్‌ఫుల్‌గా ఎలా వ్యాపారం చేశారో చూద్దాం..!
మ్యాన్‌ఫోర్స్ మార్కెట్ వాటా దాదాపు 32 శాతం. డ్యూరెక్స్ మరియు కామ సూత్ర కంపెనీల వాటా దాదాపు 14 శాతం. భారతదేశంలో, మ్యాన్‌కైండ్ ఫార్మా మ్యాన్‌ఫోర్స్ పేరుతో కండోమ్‌లను తయారు చేస్తుంది. సోదరులు రమేష్ జునేజా మరియు రాజేష్ జునేజా దీని వారసులు. రమేష్ జునేజా, రాజేష్ జునేజా భారతదేశంలో ఆరోగ్య సంబంధిత ఉత్పత్తులకు అధిక డిమాండ్‌ను గమనించి కండోమ్‌ల తయారీని ప్రారంభించారు. 1995లో మ్యాన్ కైండ్ ఫామ్‌ను ప్రారంభించారు. అప్పుడు వారు 50 వేల రూపాయల పెట్టుబడితో తమ సంస్థను ప్రారంభించారు. మొదట 20 మంది ఉద్యోగులతో కంపెనీని ప్రారంభించారు. మొదటి సంవత్సరంలో కంపెనీ రెండు రాష్ట్రాల్లో బ్రాంచెస్‌ ఓపెన్‌ చేసి వ్యాపారం చేశారు.
లైంగిక భద్రత కోసం ప్రతి ఒక్కరూ కండోమ్‌లను వినియోగించేలా ప్రభుత్వం అవగాహన కార్యక్రమాన్ని కూడా నిర్వహిస్తోంది. మ్యాన్ కైండ్ ఫార్మ్ యొక్క మ్యాన్ ఫోర్స్ కండోమ్ నాణ్యతలో రాజీ పడకుండా ఉత్పత్తిని తయారు చేయడంతో డిమాండ్‌ ఎక్కువ ఏర్పడింది. మ్యాన్‌ఫోర్స్ కండోమ్‌లు వివిధ పరిమాణాలు, ఫ్లైవర్స్‌లో అందుబాటులో ఉన్నాయి. కండోమ్ ధర 8 నుండి 30 రూపాయల వరకు ఉంటుంది. ఇప్పుడు ఇండియాలో 25 కర్మాగారాలు ఉన్నాయి. అలాగే 6 పరిశోధన, అభివృద్ధి కేంద్రాలకు నాయకత్వం వహిస్తోంది. మ్యాన్ కైండ్ కంపెనీ భారతదేశంలోనే కాకుండా విదేశాల్లో కూడా తనదైన ముద్ర వేసింది. కంపెనీ 34 దేశాల్లో వ్యాపారం చేస్తోంది. హిందీ వార్షిక నివేదిక ప్రకారం, మ్యాన్‌కైండ్ ఆదాయం రూ. 8749 కోట్లు.
మ్యాన్ కైండ్ కంపెనీ కండోమ్ మాత్రమే కాకుండా అనేక ఇతర ఆరోగ్య సంబంధిత ఉత్పత్తులను తయారు చేస్తుంది. పేటెంట్ ఔషధాల తయారీ దిశగా కూడా వేగంగా అడుగులు వేస్తున్నారు. సంస్థ ప్రీగా న్యూస్, అన్‌వాంటెడ్ 72, గ్యాస్-ఓ ఫాస్ట్, యాంటాసిడ్ పౌడర్, విటమిన్స్, మినరల్ సప్లిమెంట్స్ మరియు యాంటీ-యాక్నే సెగ్మెంట్‌లలో అనేక విభిన్న బ్రాండ్‌లను తయారు చేస్తుంది.
