థాయ్‌లాండ్ లోని ఖావో యాయ్ నేషనల్ పార్క్ లోని డ్యూయా అనే 35 ఏళ్ల ఊహించని విధంగా వ్యవహరించింది. అటుగా రోడ్డుపైకి వచ్చిన కారు ఏనుగుకు చిక్కింది. ఒక్కసారిగా ఏనుగును చూసిన డ్రైవర్ కు ఏమి చేయాలో తోచక నిలిపివేశాడు. ఇక ఆ కారుపై ఎక్క‌డానికి ప్ర‌య‌త్నించిందా ఏనుగు. కారు పైకి ఎక్కడం చేతకాగ దానిపై అడ్డంగా పడిపోయి రెండు కాళ్లు పెట్టేసింది. దీంతో కారులో ఉన్న డ్రైవర్ కు పట్టపగలే చుక్కలు కనిపించాయి.
ఇక ఏనుగు నుంచి ఎలా తప్పించుకోవాలా అని స‌త‌మ‌త‌మ‌వుతున్నాడు ఆ డ్రైవర్. కానీ.. ఏనుగు మాత్రం రెండు కాళ్ల మధ్యన కారును ఉంచి తెగ భ‌య‌పెట్టింది. కాసేపటిదాకా వెయిట్ చేసిన డ్రైవర్.. ఏనుగు కాలు దూరంగా జ‌ర‌ప‌డంతో వెంట‌నే జారుకున్నాడు. మొత్తానికి గండం తప్పించుకుని ఏనుగు కింద నుంచి సురక్షితంగా బయటపడ్డాడు. ఈ క్ర‌మంలోనే కారు అద్దాలు ధ్వంసమయ్యాయి. ఇందంతా క్ష‌ణాల్లోనే జ‌రిగిపోయింది.అయితే ఈ సంఘటన జరిగినప్పుడు కారులో ఎంత మంది ఉన్నారో స్పష్టంగా తెలియదు గానీ.. వారికి తృటిలో ప్రమాదం త‌ప్పింద‌ని అనుకోవాలి.
థాయిలాండ్‌లోని ఖావో యాయ్ నేషనల్ పార్కులో మంగళవారం ఈ తతంగం జరిగింది. ప్ర‌స్తుతం ఈ వీడియో వైర‌ల్‌గా మార‌డంతో డ్రైవర్ ధైర్యానికి మొచ్చుకోవాల్సిందే అంటూ నెటిజన్లు కామెంట్స్ పెడుతున్నారు. వాస్త‌వానికి ఇలాంటి సంగ‌ట‌న‌లు ఇంత‌కుముందు చాలానే జ‌రిగాయి. అయితే ఇలాంటి దారుణాలు జరగకుండా ప్రయాణికులు జంతువులకు ఆడమ దూరంలో ఉండాలని అధికారులు హెచ్చరిస్తున్నారు.
