భూమ్మీద ఉండే ప్రతిరంగుకూ ఓ ప్రత్యేకత, గొప్పతనం ఉంటుంది. ఈ రంగులు వ్యక్తి వ్యక్తిత్వాన్ని ప్రతిబింబిస్తాయి. ఒక్కో రంగును బట్టి మనిషిలోని భావాలను తెలుపుతాయి. ఈ రంగులకు రోగాలను నయం చేసే గుణం కూడా ఉంది. దీనినే కలర్ థెరపీ అంటారు. ఏరోజు ఎలాంటి రంగు దుస్తులు వేసుకోవాలో తెలుసుకోండి. ఫలితం కనబడుతుంది.
సోమవారం : సోమవారం అంటే చంద్రునికి ప్రతీక. కాబట్టి ఈ రోజునాడు తెల్లటి వస్ర్తాలను ధరిస్తే మంచిది.
మంగళవారం : ఈ రోజు హనుమంతుని రోజుగా భావిస్తారు చాలామంది. హనుమంతుని విగ్రహాలను కాషాయం రంగులో చూస్తుంటాం. కాబట్టి మంగళవారం నాడు ప్రత్యేకంగా కాషాయం రంగు కలిగిన వస్త్రాలను ధరించండి. ఫలితం ఉంటుందంటున్నారు జ్యోతిష్యులు.
బుధవారం : వారంలో మూడవరోజు గణాధిపతికి సంబంధించిన రోజు. విఘ్నాలకు అధిపతి అయిన విఘ్నేశ్వరునికి ఆకుపచ్చ రంగు అంటే చాలా ఇష్టం. కాబట్టి బుధవారం నాడు పచ్చరంగు కలిగిన వస్ర్తాలను దరించండి.
గురువారం : గురువారాన్ని బృహస్పతి వారం అనికూడా అంటారు. ఈ రోజున గురువులకు అధిపతి అయిన బృహస్పతి దేవుడు అలాగే షిరిడీ సాయిబాబాకు మహాప్రీతి. బృహస్పతి దేవునికి పసుపు రంగు అంటే చాలా ఇష్టం. కాబట్టి ఈ రోజున పసుపు రంగు వస్ర్తాలను ధరించండి.
శుక్రవారం : ఈ రోజు అమ్మవారుకు సంబంధించిన రోజు. అమ్మవారు జగజ్జననీ. ఆమె సర్వాంతర్యామి. కాబట్టి ఈ రోజున అన్ని రంగుల మిశ్రమం ఉన్న వస్ర్తాన్ని ధరించండి.
శనివారం : శనిదేవునికి సమర్పించే ఈ రోజున నీలి రంగు కలిగిన వస్ర్తాలను ధరించండి.
ఆదివారం : ఈరోజు సూర్యుడిని ప్రార్థిస్తారు. ఈ రోజున గులాబీరంగు కలిగిన వస్ర్తాలను ధరించండి. కొన్ని రంగులు నచ్చుతుంటాయి. అనాయాసంగా ఆయా రంగుల పట్ల ఆకర్షితులమౌతుంటారు. దీనినే కలర్ సైన్స్ అంటారు. కానీ జ్యోతిష్యాన్ని నమ్మేవారు రోజుననుసరించి రంగు దుస్తులను ధరిస్తున్నారు.
