నేపాల్లో రెండు రోడ్డు ప్రమాదాలు చోటుచేసుకున్నాయి. మినీ బస్తు బోల్తా పడిన ఘటనలో ఏడుగురు మరణించగా.. మరో బస్సు బోల్తా పడిన ఘటనలో ఐదుగురు మృతి చెందారు. ఈ ప్రమాదాల్లో 31 మంది తీవ్రంగా గాయపడ్డారు.
నేపాల్‌లోని బాగ్మతి ప్రావిన్స్లోని మకవాన్పుర్ వద్ద మినీ బస్సు బోల్తా కొట్టడం వల్ల ఏడుగురు ప్రాణాలు కోల్పోగా.. మరో 18 మంది గాయపడ్డారు. కాఠ్మాండూ నుంచి బిర్‌గంజ్ వైపు వెళ్తున్న బస్సు మకవాన్పుర్ వద్ద అదుపు తప్పి బోల్తా కొట్టింది. ఈ ప్రమాదంలో బస్సులో ఉన్న ప్రయాణికుల్లో ఆరుగురు అక్కడికక్కడే మరణించగా.. మరొకరు స్థానిక ఆరోగ్య కేంద్రంలో చికిత్స పొందుతూ ప్రాణాలు కోల్పోయారు. ఘటనా స్థలానికి చేరుకున్న పోలీసులు.. క్షతగాత్రులను ఆస్పత్రికి తరలించారు.
పశ్చిమ నేపాల్‌లోని క్యాంగసిబగర్‌లో ఘోర రోడ్డు ప్రమాదం జరిగింది. కాఠ్మాండూ నుంచి రుకుమ్కోట్కు వెళ్తున్న బస్సు అదుపు తప్పి బోల్తా కొట్టింది. ఈ ప్రమాదంలో ఐదుగురు మరణించారు. మరో 13 మంది గాయపడ్డారు. క్షతగాత్రుల్లో ముగ్గురి పరిస్థతి విషమంగా ఉన్నట్లు తెలుస్తోంది. గాయపడిన వారిని రుకుంపుర్ ఆస్పత్రికి తరలించారు పోలీసులు.
