ఏప్రిల్ 7వ తేదీ నుండి జగనన్నే మా భవిష్యత్తు కార్యక్రమాన్ని ప్రారంభించనున్నట్లు తెలిపారు ఏపీ ప్రభుత్వ సలహాదారు సజ్జల రామకృష్ణారెడ్డి. ఈ మేరకు “జగనన్నే మా భవిష్యత్తు” కార్యక్రమ పోస్టర్‌ ని విడుదల చేశారు. ఈ సందర్భంగా ఆయన మాట్లాడుతూ.. ఈ నెల 7 నుంచి 20వ తేదీ వరకు ‘జగనన్నే మా భవిష్యత్తు’ కొనసాగుతుందన్నారు. రాష్ట్రవ్యాప్తంగా 7 లక్షల మంది ఈ కార్యక్రమంలో పాల్గొంటారని.. ఎమ్మెల్యే ఆధ్వర్యంలో 14 రోజులపాటు ఈ కార్యక్రమం జరుగుతుందన్నారు.
‘మా నమ్మకం నువ్వే జగన్’ అనే భావన ప్రజల నుంచే వచ్చిందన్నారు. అందుకే దీనిని కూడా ఈ కార్యక్రమంలో భాగం చేశామని.. ప్రజల జీవితాల్లో కీలక మార్పు తీసుకుని రావడం కోసం ప్రతి పేద కుటుంబం తన కాళ్ల మీద తాను నిలబడే విధంగా చేయటం ప్రభుత్వ లక్ష్యం అన్నారు. ప్రజలకు జవాబుదారీగా రాజకీయ పార్టీలు ఉండాలని అన్నారు సజ్జల.
