ఆంధ్రప్రదేశ్ రాష్ట్ర ఉప ముఖ్యమంత్రి కొణిదెల పవన్ కళ్యాణ్ ఇవాళ భద్రాచలం వెళ్లనున్నారు. రేపు భద్రాచలంలో శ్రీరామనవమి వేడుకల్లో పాల్గొనేందుకు ఒక్కరోజూ ముందుగానే ఖమ్మం జిల్లాకు వెల్తున్నారు. ఇక భద్రాద్రి రామయ్య కళ్యాణానికి ఏపీ ప్రభుత్వం తరపున ముత్యాల తలంబ్రాలను డిప్యూటీ సీఎం పవన్ కళ్యాణ్ ఇవ్వనున్నారు. ఇవాళ మధ్యాహ్నం 12 గంటలకు హైదరాబాద్ లోని మాదాపూర్ లోని తన నివాసం నుంచి రోడ్డు మార్గాన బయలుదేరి.. సాయంత్రం 5 గంటలకు భద్రాచలం చేరుకోనున్నారు పవన్ కళ్యాణ్.
రేపు జరిగే శ్రీ సీతారాముల కళ్యాణంలో పాల్గొని స్వామి వారికి ముత్యాల తలంబ్రాలను డిప్యూటీ సీఎం పవన్ కళ్యాణ్ సమర్పిస్తారు. అలాగే రేపు సాయంత్రం 5 గంటలకు భద్రాచలం నుంచి బయలుదేరి రాత్రి 10 గంటలకు తిరిగి హైదరాబాద్ లోని తన నివాసానికి ఆయన చేరుకోనున్నారు. దీంతో పాటు రేపు తెలంగాణ సీఎం రేవంత్ రెడ్డి, డిప్యూటీ సీఎం భట్టి విక్రమార్కలతో పాటు పలువురు మంత్రులు భద్రాచలం వస్తుండటంతో పటిస్ట ఏర్పాట్లు చేస్తున్నారు అధికారులు.
