దర్శక ధీరుడు రాజమౌళి దర్శకత్వంలో తెరకెక్కిన బాహుబలి సినిమా ఏ రేంజ్ లో విజయవంతం అయ్యిందో అంతే రేంజ్ లో ప్రపంచవ్యాప్తంగా తెలుగు సినిమాకి ఖ్యాతి ని పెంపొందించింది అని చెప్పవచ్చు. ఈ సినిమా మల్టీస్టారర్ మూవీగా తెరకెక్కినప్పటి నుంచి ప్రస్తుతం వరుస మల్టీస్టారర్ మూవీలు వస్తున్నాయని చెప్పవచ్చు . అంతేకాదు ఈ సినిమాతోనే ఎన్నో రికార్డులు కొల్లగొట్టిన రాజమౌళి ప్రస్తుతం అన్నీ పాన్ ఇండియా రేంజ్ లో సినిమాలను తెరకెక్కిస్తూ ఉండడం గమనార్హం. ఇకపోతే ఈ సినిమాలో ప్రభాస్, రానా నటించిన తీరు ప్రేక్షకులను బాగా ఆకట్టుకుంది. అంతేకాదు కట్టప్పగా సత్యరాజ్, అనుష్క, తమన్నా అందరూ కూడా ఈ సినిమాతో మంచి పాపులారిటీని సంపాదించుకున్నారు. ఇక శివగామిగా రమ్యకృష్ణ క్రేజ్ సొంతం చేసుకుందో మనం ప్రత్యేకంగా చెప్పనవసరం లేదు.
ఈ సినిమా తర్వాత ఈ సినిమాకు సీక్వెల్ గా బాహుబలి 2 సినిమాను కూడా తెరకెక్కించడం జరిగింది. ఈ సినిమా సినీ ఇండస్ట్రీలోనే అరుదైన రికార్డులను కొల్లగొట్టి తెలుగు బాక్సాఫీస్ వద్ద భారీ విజయకేతనం ఎగరవేసింది. ఇకపోతే తాజాగా అందుతున్న సమాచారం ప్రకారం ఈ సినిమాలోని సన్నివేశాలు హాలీవుడ్ సినిమాల్లోని సన్నివేశాలతో మ్యాచ్ చేసిన ఒక వీడియో నెట్టింట వైరల్ అవుతుంది. ఇకపోతే వీడియోలోని కొన్ని హాలీవుడ్ సినిమాల క్లిప్స్ తో బాహుబలి సినిమాను పోల్చారు . అన్ని కరెక్ట్ గా సింక్ అయ్యాయి అంటూ నెటిజన్లు కామెంట్లు చేస్తున్నారు మరికొంతమంది కొంపదీసి రాజమౌళి కూడా కాపీ కొట్టాడా ఏంటి అంటూ అనుమానాలు వ్యక్తం చేస్తూ ఉండడం గమనార్హం.
ఇక బాహుబలి సినిమా ఊహాగానం మాత్రమే అని అప్పుడే రాజమౌళి వెల్లడించిన విషయం తెలిసిందే. ఇకపోతే ఈ సినిమా మాత్రం భారీ విజయాన్ని సొంతం చేసుకోవడం మనం చూసే ఉన్నాం. ప్రస్తుతం ఈ వీడియో క్లిప్పుపై నెటిజన్లు కూడా రకరకాలుగా స్పందిస్తూ ఉండడం గమనార్హం.
SS Rajamouli 😂😂pic.twitter.com/9KQQfRaGJh
— Shantanu (@shaandelhite) September 1, 2022
