తరచూ వివాదాస్పద వ్యాఖ్యలు చేయడం కొందరు భాజపా నాయకులకు పరిపాటిగా మారింది. ఇటీవలే వివాదాస్పద వ్యాఖ్యలు చేసి ఓ వ్యక్తి హత్యకు.. దేశంలో హింసకు కారణమయ్యారు మాజీ భాజపా నేత నుపుర్ శర్మ. ఇప్పుడు తాజాగా ఛత్తీస్గఢ్ రాష్ట్రానికి చెందిన ఎమ్మెల్యే కృష్ణమూర్తి బాంధీ వివాదాస్పద వ్యాఖ్యలు చేశారు.
మద్యానికి బదులుగా గంజాయి, భాంగ్ను ప్రోత్సహిస్తే అత్యాచారాలు, హత్యలు వంటి నేరాలు జరగకుండా ఉంటాయని కృష్ణమూర్తి అన్నారు. ఈనెల 23న మార్వాహి జిల్లాలో జరిగిన ఓ కార్యక్రమంలో ఆయన చేసిన ఈ వ్యాఖ్యలు పెనుదుమారం రేపాయి. ఇది తన వ్యక్తిగత అభిప్రాయమని.. ఈ విషయాన్ని గతంలో అసెంబ్లీలో కూడా చర్చించినట్లు చెప్పారు. మద్యపాన నిషేధంపై ఓ కమిటీ ఏర్పాటు చేయాలని.. గంజాయి, భాంగ్ వినియోగం దిశగా కమిటీ యోచన చేయాలని కోరారు.
భాజపా ఎమ్మెల్యే చేసిన వ్యాఖ్యలపై విపక్షాలు మండిపడ్డాయి. ప్రజాప్రతినిధి హోదాలో ఉండి ఇలాంటి వ్యాఖ్యలు చేస్తారా అని కాంగ్రెస్ పార్టీ ఆగ్రహం వ్యక్తం చేసింది. అయితే దీనిపై స్పందించిన భాజపా ఎమ్మెల్యే.. ఎన్నికల్లో కాంగ్రెస్ ఇచ్చిన మద్యపాన నిషేధం హామీ ఏమైందని తిరిగి ప్రశ్నించారు.
