నా నమ్మకం.. నా ఆత్మవిశ్వాసం మీరే అని ఏపీ సీఎం జగన్ అన్నారు. మీ బిడ్డ ఒక్కడే ఒకవైపు ఉన్నాడు…మిగతా వాళ్లంతా ఏకమవుతున్నారని ఆగ్రహించారు సీఎం జగన్. అంతా ఏకమై నాతో చీకటి యుద్ధం చేస్తున్నారని.. రాష్ట్రంలో పెత్తందార్లు.. పేదల పక్షాన నిలబడిన నాకు మధ్య యుద్ధం జరుగుతోందని పేర్కొన్నారు సీఎం జగన్.
ఒకే అబద్ధాన్ని పదేపదే చెబుతున్నారని మండిపడ్డారు సీఎం జగన్. వాళ్లలా అబద్ధాలు చెప్పే అలవాటు నాకు లేదని.. ఈ యుద్ధంలో నా ధైర్యం, నమ్మకం మీరేనన్నారు జగన్. ఈ యుద్ధంలో నా ఆత్మవిశ్వాసం మీరే… దేవుని దయ.. మీ చల్లని ఆశీస్సులే కోరుకున్నానని వివరించారు. తోడేళ్లన్నీ ఏకమైనా.. నాకేమీ భయం లేదన్నారు సీఎం జగన్.
ఆంధ్ర ప్రదేశ్‌ రాష్ట్రంలో అందరికీ ఆమోదయోగ్యమైన నగరం విశాఖ అన్నారు సీఎం జగన్. శ్రీకాకుళం జిల్లా ముఖచిత్రం మారబోతోంది.. పోర్టు సామర్థ్యం వంద బిలియన్లకు చేరుతుంది.. మూలపేట.. అభివృద్ధికి మూలస్తంభం అని తెలిపారు సీఎం వైఎస్‌ జగన్.
