ఆంధ్రప్రదేశ్ లో కలకలం సృష్టించిన డాక్టర్. సుధాకర్ నిన్న విశాఖపట్నం ప్రభుత్వ మానసిక వైద్యశాల నుంచి హైకోర్టు ఆదేశాల మేరకు డిశ్చార్జ్ అయి వెళ్ళిపోయిన సంగతి తెలిసిందే. అయితే నిన్నటి నుంచి ఆయన అజ్ఞాతంలోకి వెళ్లిపోయినట్టు సమాచారం. నగరంలోనే ఓ రహస్య ప్రాంతంలో ఆయన విశ్రాంతి తీసుకుంటున్నారని డా.సుధాకర్ సన్నిహితులు తెలిపారు. ఐదు రోజుల వరకూ ఆయన ఎవరినీ కలువబోరని వారు వెల్లడించారు. తనకు మానసిక ప్రశాంతత కావాలని ఆయన కోరుకుంటున్నారని పేర్కొన్నారు.
