లాక్ డౌన్ ని తీసేయడంతో ఇప్పుడు యూరప్ దేశాల్లో పరిస్థితి మరీ దారుణంగా మారింది. ఫ్రాన్స్ మరియు స్పెయిన్లలో పరిస్థితి ఆందోళనకరంగా ఉంది, ఇక్కడ క్రియాశీల కేసులు భారీగా పెరుగుతున్నాయి. ఏప్రిల్ 28 న ఫ్రాన్స్‌లో 97,979 క్రియాశీల కేసులు నమోదయ్యాయి. ఇప్పుడు ఫ్రాన్స్‌లో 5.3 లక్షల క్రియాశీల కేసులు ఉన్నాయి. ఇటలీలో కోవిడ్ -19 క్రియాశీల కేసులు మళ్లీ పెరిగాయి. సోమవారం నాటికి అవి 58,000 కు చేరుకున్నాయని అక్కడి ప్రభుత్వం చెప్పింది.
నెదర్లాండ్స్, రష్యా మరియు స్వీడన్ యూరప్, ఇజ్రాయెల్, ఇరాన్ మరియు ఆసియాలో ఇరాక్ లలో యాక్టివ్ కేసులు భారీగా నమోదు అవుతున్నాయి. స్పెయిన్‌లో ఇప్పుడు 6.26 లక్షల క్రియాశీల కేసులు ఉన్నాయి. మన దేశంలో జనాభాతో చూసుకుని యాక్టివ్ కేసులు వాటితో పోలిస్తే చాలా తక్కువ. ఈ వ్యాధి నుండి కోలుకున్న వారి సంఖ్య 55,86,703 కు పెరిగిందని, రికవరీ రేటు 84.34 శాతానికి పెరిగిందని కేంద్రం చెప్పింది.
