అంతర్జాతీయ మార్కెట్లో ముడిచమురు ధరలు మరోసారి పతనం కావడంతో.. దేశీయంగా పెట్రోలు, డీజీల్ ధరలు క్రమంగా తగ్గాయి. దీంతో శనివారం దేశ రాజధాని ఢిల్లీలో పెట్రోలు ధర 29 పైసలు తగ్గి రూ.69.26 కి చేరగా..డీజిల్ ధర 30 పైసలు తగ్గి 63.32 కి చేరింది. ఇక ముంబయిలోనూ 29 పైసలు తగ్గిన పెట్రోలు ధర రూ.74.89 కి చేరగా.. డీజిల్ ధర 32 పైసలు తగ్గి రూ.66.25గా నమోదైంది. ఇదిలా ఉంటే… తెలుగు రాష్ట్రాల్లో హైద‌రాబాద్‌లో లీట‌ర్ పెట్రోల్ ధర 31 పైసలు తగ్గి రూ.73.45, డీజిల్ ధర 32 పైసలు తగ్గి రూ.68.82 వద్ద కొనసాగుతోంది. విజయవాడలో లీట‌ర్ పెట్రోల్ ధర రూ.72.93 ఉండగా, డీజిల్ ధర రూ.67.97 వద్ద కొనసాగుతోంది. బ్రెంట్ క్రూడ్ ఆయిల్ ధర బ్యారెల్‌ 53.21 డాలర్లకు చేరగా.. డబ్ల్యూటీఐ క్రూడాయిల్ ధర 45.33 డాలర్ల వద్ద కొనసాగుతోంది. మరో రెండు మూడు రోజుల్లో మరింత తగ్గే అవకావం ఉన్నట్లు మార్కెట్ వర్గాలు అంచనా వేస్తున్నాయి.
