పవర్ స్టార్ పవన్ కల్యాణ్ ప్రజెంట్ వరుస సినిమాలు చేస్తూనే మరో వైపు పాలిటిక్స్ లోనూ బిజీగా ఉన్నారు. ఒకే సమయంలో రెండు రంగాలు సినిమా, రాజకీయం అనగా జోడు గుర్రాల స్వారీ చేస్తున్నారు పవన్ కల్యాణ్. ఈ క్రమంలోనే ఇటీవల రాజకీయ కార్యక్రమాల్లో బిజీగా ఉన్న నేపథ్యంలో ‘హరి హర వీరమల్లు’ అప్ డేట్ ఏంటనే చర్చ సోషల్ మీడియాలో జరిగింది. హరిహర వీరమల్లు సినిమా ఒకటి, రెండు షెడ్యూల్స్ షూటింగ్ చేశారు. దాంతో ఎప్పుడో ఈ సినిమా షూటింగ్ పూర్తి కానుందని వినిపించింది. కానీ మళ్లీ ముందుకు కదలడం లేదు ఈ క్రేజీ ప్రాజెక్ట్. పలు కారణాల వల్ల డిలే అవుతూ వస్తోంది.
మధ్యలో ఎన్నో రకాల పుకార్లు షికారు చేశాయి. పవన్ ఈ సినిమా అవుట్ పుట్ పై సంతృప్తికరంగా లేరని.. ఒకానొక సందర్భంలో ఈ ప్రాజెక్ట్‌ను పక్కకు పెట్టినట్టు వార్తలొచ్చాయి. అయితే లాంగ్ గ్యాప్ తర్వాత ఈ సినిమా షూటింగ్ లేటెస్ట్ షెడ్యూల్ స్టార్ట్ చేసేందుకు ప్లాన్ చేస్తున్నట్టు తెలుస్తోంది. త్వరలోనే పవన్ షూట్లో జాయిన్ అవ్వనున్నారని సమాచారం. త్వరలో పూర్తి స్థాయిలో రాజకీయాలతో బిజీ కానున్న పవన్.. వీలైనంత త్వరగా షూటింగ్ ఫినిష్ చేయాలనే ఆలోచనలో ఉన్నారట.
ఈ క్రమంలో గత రెండు మూడు రోజులుగా.. ఈ సినిమా టీజర్ రాబోతున్నట్టు సోషల్ మీడియాలో ఓ వార్త హల్ చల్ చేస్తోంది. ఇప్పటికే 60 శాతం వరకు షూటింగ్ కంప్లీట్ చేసుకున్న ఈ సినిమా నుంచి.. టీజర్ రిలీజ్ చేసేందుకు సన్నాహాలు చేస్తున్నాడట దర్శకుడు క్రిష్. సెప్టెంబర్ 2న పవన్ బర్త్ డే కానుకగా రిలీజ్ చేయబోతున్నారనే బజ్ మొదలైంది. అయితే ఇందులో క్లారిటీ రావాల్సి ఉంది. అయినా కూడా పవర్ స్టార్ ఫ్యాన్స్ ఈ న్యూస్‌ను సోషల్ మీడియాలో తెగ సర్క్యులేట్ చేసుకుంటున్నారు. దీనితో ట్విట్టర్ ట్రెండింగ్‌లో నిలిచింది హరిహర వీరమల్లు. అలాగే అదే రోజు హరీష్ శంకర్ సినిమా అప్డేట్ కూడా రావచ్చని టాక్ వస్తోంది. మరి నిజంగానే పవన్ బర్త్ డే ట్రీట్‌గా ఈ రెండు అప్టేట్స్ ఉటాయేమో చూడాలి.
