కొందరి ధైర్య సాహసాలు చూస్తే ముచ్చటేస్తూ ఉంటుంది. ఇంకొన్ని సందర్భాల్లో వాటిని చూసినప్పుడల్లా భయంతో ఒళ్లు గుబురు పడుతుంది. ఏమాత్రం అదుపు తప్పినా ప్రాణానికే ప్రమాదం. పైన కనిపిస్తున్న ఫోటో కూడా అదే కోవకు చెందింది. ఈ ఫోటోలు చూసిన ప్రతి వ్యక్తి షాకవ్వాల్సిందే. శిఖరంపై నుంచి కొంచెం అదుపు తప్పినా ఏకంగా ప్రాణాలే పోతాయి అన్నట్లుగా ఉన్నాయి కదూ. అయితే ఈ ఫోటోని చూస్తే భయపడాల్సిన అవసరమే లేదు. ఫోటో కెమెరా యాంగిల్ మార్చితే సరిపోతుంది. మీరు కూడా శిఖరానికి వేలాడుతున్నట్లు ఫోజ్ ఇవ్వవచ్చు.
కెమెరా యాంగిల్ మార్చితే చాలు.. ఎత్తైన కొండపై నుంచి ఫోటో దిగినట్లు ఎలా కనిపిస్తామని అనుకుంటున్నారా..? అయితే, మీరు ఆ శిఖరం గురించి కచ్చితంగా తెలుసుకోవాలి. టర్కీ దేశంలోకి గులేక్ ప్రాంతంలో ఉన్న ఈ శిఖరానికి ఈ మధ్య కాలంలో భారీ క్రేజ్ పెరిగింది. శిఖరానికి వేలాడుతూ కొండ అంచుల్లో కూర్చున్నట్లు దిగుతున్న ఫోటోలు సామాజిక మాధ్యమాల్లో వైరల్ అవుతున్నాయి. ఈ ఫోటోలు చూసిన ప్రతిఒక్కరూ.. ‘‘వీరికి సాహసం ఎక్కువే.’’ అని నోటిపై చేయి పెట్టుకోవాల్సిందే.
All about the angle 😄 Reality check! pic.twitter.com/Uu27GEdcKX
— Nishal Pradhan (@pradhan_nishal) February 2, 2021
ప్రాణాలు రిస్కులో పెట్టి దిగుతున్న ఫోటోలు కేవలం కెమెరా యాంగిల్ ని మార్చడం వల్ల జరిగింది. వాస్తవానికి ఆ శిఖరం చాలా చిన్నది. కాకపోతే ఫోటో తీసేటప్పుడు కెమెరా యాంగిల్ ని కొంచెం డిఫరెంట్ గా మార్చినట్లయితే శిఖరం అంచున కూర్చున్నట్లుగా కనిపిస్తాయి. ఫస్ట్ లో ఈ ఫోటోలు చూసిన ప్రతి ఒక్కరూ షాక్ కి గురయ్యారు. కొందరైతే తిట్టుకున్నారు కూడా.. కానీ, అసలు విషయం తెలిసిన తర్వాత నవ్వుకున్నారు. దీంతో ఆ ప్రాంతానికి క్రేజ్ పెరిగింది. వేలాది మంది పర్యాటకులు ఆ ప్రాంతానికి కేవలం ఫోటో దిగడానికి వెళ్తున్నారు.
