ఇటీవల విమానాల్లో ప్రయాణికులు దురుసుగా ప్రవర్తిస్తున్న ఘటనలు ఎక్కువవుతున్నాయి. కొంతమంది తోటి ప్రయాణికులు, సిబ్బందిపై దాడులకు తెగబడుతున్నారు. తాజాగా ఫ్లైట్ ఆలస్యంగా బయల్దేరుతుందని ప్రకటించిన పైలట్‌పై ఓ ప్రయాణికుడు దాడికి పాల్పడిన ఘటన నెట్టింట వైరల్ అవుతోంది. దిల్లీ నుంచి గోవా వెళ్లాల్సిన ఇండిగో విమానంలో ఈ ఘటన చోటుచేసుకుంది.
పొగమంచు కారణంగా ఈ విమాన ప్రయాణానికి అంతరాయం ఏర్పడగా గంటపాటు ఆలస్యం అవుతుందని పైలట్ ప్రకటించాడు. ఈ క్రమంలోనే ఫ్లైట్లో ఉన్న ఓ ప్రయాణికుడు కోపంతో ఊగిపోతూ పైలట్ వద్దకు దూసుకువచ్చి దాడి చేశాడు. ఈ ఘటనపై ఇండిగో ఫిర్యాదు చేసింది. ప్రయాణికుడిని విమానం నుంచి దించేసి.. భద్రతా సిబ్బందికి అప్పగించింది. ఈ ఘటనపై తోటి ప్రయాణికులు స్పందిస్తూ.. “విమానం 13 గంటల ఆలస్యమైంది. ‘విమానం ఆలస్యానికి అందులోని సిబ్బంది ఏం చేస్తారు..? వెంటనే ఆ ప్రయాణికుడిని అరెస్టు చేసి, నో ఫ్లై లిస్ట్‌లో చేర్చండి’ అంటూ నెటిజన్లు ఆగ్రహం వ్యక్తం చేశారు. దిల్లీలో పొగమంచు కారణంగా రెండ్రోజుల నుంచి వందలాది విమానాలు ఆలస్యంగా నడుస్తున్న విషయం తెలిసిందే.
Delhi: Passenger punches pilot over flight delay
Edited video is available on PTI Videos (https://t.co/L2D7HH309u) #PTINewsAlerts #PTIVideos @PTI_News pic.twitter.com/PVxNnIVzmh
— PTI News Alerts (@PTI_NewsAlerts) January 15, 2024
