IPL-2023 టోర్నీ కి కౌంట్‌ డౌన్‌ మొదలైంది. IPL-2023 లో గుజరాత్, CSK, LSG, ముంబై ప్లే ఆఫ్స్ కు చేరుకున్నాయి. పాయింట్స్ టేబుల్ లో టాప్-2 లో ఉన్న GT, CSK ఈనెల 23న చెన్నైలో క్వాలిఫైయర్-1 మ్యాచ్ ఆడనున్నాయి. 3, 4 స్థానాల్లో ఉన్న LSG, MI ఈ నెల 24న చెన్నైలో ఎలిమినేటర్ మ్యాచ్ లో తలపడనున్నాయి. ఈనెల 26న క్వాలిఫైయర్-2, ఈనెల 28న ఫైనల్ మ్యాచ్ లు జరగనున్నాయి.
క్వాలిఫైయర్-1 లో ఓడిన జట్టు ఎలిమినేటర్ లో గెలిచిన జట్టుతో క్వాలిఫైయర్-2లో తలపడుతుంది. కాగా, తప్పక గెలవాల్సిన మ్యాచ్ లో గుజరాత్ చేతిలో RCB ఓటమి పాలైంది. RCB నిర్దేశించిన 198 పరుగుల లక్ష్యాన్ని GT 19.1 ఓవర్లలో 4 వికెట్లు కోల్పోయి ఛేదించింది. గుజరాత్ బ్యాటర్లలో గిల్(104*) సెంచరీతో అదరగొట్టగా, విజయశంకర్ 53 పరుగులతో రాణించారు. RCB ఓడిపోవడంతో 16 పాయింట్లతో ఉన్న ముంబై ఇండియన్స్ ప్లే ఆఫ్స్ కు చేరుకుంది. ఈసారైనా ఛాంపియన్ గా నిలవాలి అనుకున్న RCB నిరాశే ఎదురయింది.
