టీ 20 వరల్డ్ కప్ లో భాగంగా నేడు టీమిండియా మరియు పాకిస్థాన్‌ జట్ల మధ్య మొదటి మ్యాచ్ జరుగుతున్న సంగతి తెలిసిందే. దీంతో ఈ మ్యాచ్ లో ఎవరు గెలుస్తారని… ఇరు దేశాల ప్రజలు ఎంతో ఆసక్తి గా ఎదురు చూస్తున్నారు. ఈ తరుణంలో పాక్ కెప్టెన్ బాబర్ అజామ్ సంచలన వ్యాఖ్యలు చేశారు. టీ 20 వరల్డ్ కప్ లో భారత్తో జరగనున్న మ్యాచ్ను తాము ప్రతిష్టాత్మకంగా భావిస్తున్నామని… ఇరు జట్ల మధ్య పోటీ ఎంతో ఆసక్తికరంగా ఉంటుందని చెప్పారు.
టీ 20 ప్రపంచకప్ చరిత్ర లో ఇప్పటి వరకు తమ జట్టు టీమిండియాను ఓడించలేదని… కానీ, అది గతం… ఈ సారి ఓడించి.. చరిత్ర తిరగరాయబోతున్నామని సవాల్ విసిరారు. నేటి మ్యాచ్లో విజయం తమదేనని.. ఒత్తిడిలోనూ ఎలా ఆడాలి అనే దానిపై ప్రణాళికలను రచించామని స్పష్టం చేశారు పాక్ కెప్టెన్ బాబర్ అజామ్. ఈ మ్యాచ్లో ఇరు జట్లకు చెందిన ఆటగాళ్లు మైదానంలో నియంత్రణ కోల్పోకుండా ఉంటారని ఆశిస్తున్నానని… టీమ్ఇండియాపై విజయం సాధించేందుకు స్పిన్నర్లతో బరిలో దిగనున్నామని చెప్పారు. ఈ సా రి కచ్చితంగా విజయం సాధిస్తామని ప్రకటించారు పాక్ కెప్టెన్ బాబర్ అజామ్.