ఆంధ్ర ప్రదేశ్‌ రాష్ట్రం లో మరో దారుణం చోటు చేసుకుంది. తూర్పుగోదావరి జిల్లా లోని కాకినాడలో పారా మెడికల్ విద్యార్థిని దారుణ హత్య గురైంది. ఈ ఘటన వివరాల్లోకి వెళితే… కాకినాడ లోని రంగరాయ వైద్య కళాశాలలో ఫస్ట్ ఇయర్ అనస్థీషియా డిప్లమో చదువుతోంది మృతురాలు. ఎప్పటి లాగే.. కాలేజీ వెళ్లే నేపథ్యం లో ఓ గుర్తు తెలియని వ్యక్తి … ఆమె పై కత్తితో దాడి చేశాడు.
దీంతో ఆ విద్యార్థి కత్తి పోట్లకు గురైంది. రక్త స్రావం బాగా కావడంతో అక్కడిక్కడే మృతి చెందింది ఆ విద్యార్థి. దీంతో విద్యార్థి మృత దేహాన్ని పోస్ట్ మార్టం నిమిత్తం జిజిహెచ్ మార్చురీకి తరలించారు. ఇక ఈ ఘటన పై కేసు నమోదు చేసి దర్యాప్తు చేపట్టారు కాకినాడ టుటౌన్ పోలీసులు. ప్రేమ నిరాకరించినందుకే హత మార్చినట్టు అనుమానం వ్యక్తం చేస్తున్నారు పోలీసులు. అయితే.. హంతకుడు పశ్చిమగోదావరి జిల్లా ఏలూరు పోలీస్ స్టేషన్లో లొంగిబాటు అయినట్లు సమాచారం అందుతోంది.
