పశ్చిమగోదావరి జిల్లా, భీమవరంలో దర్శకుడు ఆర్జీవీపై ‘ఎవడ్రా నన్ను కొట్టింది’ అనే చిత్రం తెరకెక్కుతుంది. తాజాగా చిత్ర టీజర్‌ను కూడా విడుదల చేసారు. సినీ లవర్స్ క్రియేషన్స్ బ్యానర్‌పై దర్శకుడు నీలకంఠం ఈ చిత్రాన్ని రూపొందిస్తున్నారు. తనని కొట్టింది ఎవరో తెలియక 6 నెలల పాటు ఆర్జీవీ పడిన సంఘర్షణే ఈ సినిమా కథాంశంగా పేర్కొన్నారు. త్వరలోనే సినిమాని విడుదల చేయనున్నట్టు చిత్ర యూనిట్ తెలిపింది.
అయితే వర్మ ఎప్పుడైతే ‘పవర్‌స్టార్’ అనే సినిమాను ప్రకటించాడో.. అప్పటి నుంచి అతనిపై ఓ చిన్నపాటి యుద్ధమే మొదలైంది. దీంతో దానికి వ్యతిరేకంగా పవన్ అభిమానులు వర్మపై సెటైరికల్‌గా ఓ నాలుగైదు చిత్రాలను ప్రకటించేశారు. కాగా, ‘పవర్‌స్టార్’ తో సహనం కోల్పోయిన పవన్ అభిమానులు వర్మ పై దాడికి కూడా దిగారు. దీంతో రంగంలోకి దిగిన పోలీసులు వారిని అరెస్టు చేసిన విషయం తెలిసిందే.
