కేంద్రం ఎన్నో రకాల స్కీమ్స్ ని అందిస్తోంది. ఈ స్కీమ్స్ వలన ఎంతో మందికి ఉపయోగకరంగా ఉంటోంది. అయితే కేంద్రం అందించే స్కీమ్స్ లో అటల్ పెన్షన్ యోజన పథకం కూడా ఒకటి. ఈ స్కీమ్ లో చాలా మంది చేరుతున్నారు. అయితే ఇక ఈ స్కీమ్ కి సంబంధించి పూర్తి వివరాల లోకి వెళితే.. కేంద్రం అందిస్తున్న స్కీమ్స్ లో అటల్ పెన్షన్ యోజన పథకం లో డబ్బులు పెడితే చక్కటి లాభాలని పొందొచ్చు.
ప్రస్తుత ఆర్థిక సంవత్సరంలో ఇప్పటికే 65 లక్షల మంది ఈ స్కీమ్‌లో చేరారని పెన్షన్ ఫండ్ రెగ్యులేటర్ పీఎఫ్ఆర్‌డీఏ PFRDA అంది. ఈ పథకం వాలంటరీ స్కీమ్. ఈ స్కీమ్ లో కనుక చేరితే కనీసం రూ. 1000 పెన్షన్ వస్తుంది. అలాగే గరిష్టంగా రూ.5 వేల వరకు పెన్షన్ వస్తుంది. ఈ స్కీమ్ తో రూ. 1,000, రూ. 2 వేలు, రూ. 3 వేలు, రూ. 4 వేలు, రూ. 5,000 చొప్పున పెన్షన్ వస్తుంది.
ఈ స్కీమ్ లో 18 నుంచి 40 ఏళ్ల వయసు కలిగిన వారు ఈ స్కీమ్ లో చేరచ్చు. బ్యాంక్ లేదా పోస్టాఫీస్‌కు వెళ్లి ఈ పథకంలో చేరచ్చు. ఈ స్కీమ్ లో చేరిన వారు ప్రతీ నెలా డబ్బులు కడుతూ ఉండాలి. 60 ఏళ్లు వచ్చే వరకు కట్టాలి. అప్పుడు జీవితాంతం పెన్షన్ వస్తుంది.
సబ్‌స్క్రైబర్ మరణిస్తే భాగస్వామికి పెన్షన్ వస్తుంది. ఇద్దరూ మరణిస్తే నామినీకి ఫండ్ డబ్బులు చెల్లిస్తారు. ఈ స్కీమ్ లో 18 ఏళ్ల వయసులో వున్నవారు చేరితే రూ.5 వేల పెన్షన్ కోసం నెలకు రూ.210 చెల్లించాల్సి ఉంటుంది. రూ.1000కు అయితే రూ.42, రూ.2 వేలకు రూ.84, రూ.3 వేలకు రూ.126, రూ.4 వేలకు రూ.168 కట్టాలి.
