విజయనగరం: విశాఖ భూ కుంభకోణంపై వేసిన సిట్ రిపోర్ట్ని ముఖ్యమంత్రి చంద్రబాబు ఎందుకు బయటపెట్టడం లేదని సీపీఐ నేత రామకృష్ణ ప్రశ్రించారు. శుక్రవారం ఆయన మీడియాతో మాట్లాడుతూ ఈ స్కాంలో అనేక మంది అధికార పార్టీ నేతలున్నారని అన్నారు. మంత్రి గంటాకి చంద్రబాబు భయపడుతున్నారా? అని ఆయన అన్నారు. రాఫెల్ కుంభకోణంపై జేపీసీ ఏర్పాటు చేయాలని ఆయన డిమాండ్ చేశారు. దీనిపై ఈనెల 24న దేశవ్యాప్త ఆందోళన చేపడతామని రామకృష్ణ పేర్కొన్నారు.
