హైదరాాబాద్ లో రాహుల్ గాంధీ పర్యటిస్తున్న విషయం అందిరికీ తెలిసిందే. సమగ్ర కులగణన మేధావుల అభిప్రాయాలను తీసుకోనున్నారు రాహుల్ గాంధీ. దాదాపు 400 మంది నుంచి అభిప్రాయాలను తీసుకోనున్నారు. తాజాగా బేగంపేట ఎయిర్ పోర్టు నుంచి బోయిన్ పల్లికి బయలుదేరారు రాహుల్ గాంధీ. బేగంపేట విమానాశ్రయానికి రాహుల్ గాంధీ వస్తున్నాడనే విషయం తెలుసుకున్న సీఎం రేవంత్ రెడ్డి, పలువురు మంత్రులు భారీ కాన్వాయ్ ఏర్పాటు చేశారు. కాన్వాయ్ లో బేగంపేట ఎయిర్ పోర్టు నుంచి బోయినపల్లి ఐడియాలజీకి బయలుదేరారు.
రాష్ట్రానికి వచ్చిన కాంగ్రెస్ అగ్రనేత రాహుల్ గాంధీ బోయిన్ పల్లి ఐడియాలజీ సెంటర్ లో మేధావులు, బీసీ సంఘాలతో ముఖా ముఖి నిర్వహించారు. వారి వారి అభిప్రాయాలను వింటున్నారు. సీఎం రేవంత్ రెడ్డి, డిప్యూటీ సీఎం భట్టి విక్రమార్క, పీసీసీ చీఫ్ మహేష్ కుమార్ గౌడ్, దీపాదాస్ మున్షీ, పలువురు మంత్రులు, పార్టీ ఎమ్మెల్యేలు, కీలక నేతలు పాల్గొన్నారు. పలువురు రాహుల్ గాంధీకి పుష్ప గుచ్ఛం అందజేసి స్వాగతం పలికారు.
