రేవంత్ రెడ్డి ఫోటో లేకుండా చేసిన కోమటిరెడ్డి వెంకట్ రెడ్డి
ఖమ్మం జన గర్జన సభ పోస్టర్లలో కాంగ్రెస్ నాయకుల అందరి ఫోటోలు పెట్టిన ఎంపీ కోమటిరెడ్డి వెంకట్ రెడ్డి.. టీపీసీసీ అధ్యక్షుడు రేవంత్ రెడ్డి ఫోటో మాత్రం వేయలేదు. వీరిద్దరి మధ్యన గతకొంత కాలంగా పచ్చగడ్డి వేస్తే భగ్గుమంటుంది. pic.twitter.com/pWby1ih4WZ
— Telugu Scribe (@TeluguScribe) July 1, 2023
రేపు ఖమ్మంలో ప్రజాగర్జన సభకు కాంగ్రెస్ నేత రాహుల్ గాంధీ ముఖ్య అతిధిగా రానున్నారు. ఇందుకోసం తెలంగాణ కీలక నేతలు ఈ సభను సక్సెస్ చేయడానికి తమవంతుగా వివిధ పనులలో నిమగ్నం అయి ఉన్నారు. ఈ సందర్భంగా కాంగ్రెస్ ఎంపీ కోమటిరెడ్డి వెంకట రెడ్డి చేయించిన పోస్టర్ ఇప్పుడు తెలంగాణ రాజకీయాలలో కలకలాన్ని రేపుతోంది. తెలంగాణ జన గర్జన సభ అనే టైటిల్ తో వేసిన ఈ పోస్టర్ లో కోమటి రెడ్డి వెంకట రెడ్డి , రాహుల్ గాంధీ , భట్టి విక్రమార్క, పొంగులేటి శ్రీనివాసరెడ్డి మరియు జూపల్లి కృష్ణరావు లు మాత్రమే ఉన్నారు.
తెలంగాణ పీసీసీ చీఫ్ గా ఉన్న రేవంత్ రెడ్డి ఫోటో మాత్రం ఈ పోస్టర్ లో లేదు. దీనిని బట్టి రేవంత్ రెడ్డికి మరియు కోమటిరెడ్డి వెంకట రెడ్డి కి మధ్యన ఇంకా విభేదాలు అలానే ఉన్నాయని స్పష్టంగా అర్ధమవుతోంది. మరి ఈ విషయాన్నీ అధిష్ఠానము సీరియస్ గా తీసుకుంటుందా అన్నది తెలియాల్సి ఉంది.
