ఉప్పెన మూవీ తో భారీ సంఖ్యలో అభిమానులను సొంతం చేసుకున్న వైష్ణవి తేజ్ నటించిన తర్వాతి సినిమా కొండ పొలం. ఫేమస్ డైరెక్టర్ క్రిష్ జాగర్లమూడి తెరకెక్కిస్తున్న ఈ సినిమాను వై రాజు రెడ్డి మరియు జే సాయిబాబు నిర్మిస్తున్నారు. వైష్ణవ్ తేజ్ సరసన రకుల్ ప్రీతి సింగ్ జంటగా నటిస్తోంది. తొలి సినిమాతోనే 2021లో మొట్టమొదటి భారీ బ్లాక్ బాస్టర్ హిట్ ను సొంతం చేసుకున్న పంజా వైష్ణవ్ తేజ్.. హీరోగా విడుదలవుతున్న రెండో చిత్రం ఇది.
ఇక ఇప్పటికే ఈ సినిమా షూటింగ్ పూర్తి కాగా… తాజాగా ఈ సినిమా నుంచి బిగ్ అప్ డేట్ వచ్చింది. ఈ సినిమా నుంచి కాసేపటి క్రితమే ఓ రొమాంటిక్ సాంగ్ ను రిలీజ్ చేసింది చిత్ర బృందం. “శ్వాసలో” అంటూ సాగే.. ఈ సాంగ్ లో రకుల్ ప్రీతి సింగ్ పర్ఫామెన్స్ పిక్స్ కు వెళ్ళింది. ఆటో హీరో వైష్ణవ్ తేజ్ కూడా… చాలా ఇన్నోసెంట్ గా చూస్తూ అందరినీ అలరించాడు.
అంతే కాదు ఈ సాంగ్ లో రకుల్ ప్రీతిసింగ్ మరియు వైష్ణవ్ తేజ్ మధ్య రొమాంటిక్ సీన్స్ అందరిని కనువిందు చేస్తున్నాయి. ఈ పాటలో ఓ లిప్ లాక్ కూడా ఉన్నట్లు మనకు కనిపిస్తుంది. మొత్తానికి ఈ పాట.. వైష్ణవ్ తేజ్ ఫ్యాన్స్ ను కనువిందు చేస్తోంది. కాగా ఈ సినిమాను అక్టోబర్ 8వ తేదీన విడుదల చేయనున్నట్లు చిత్ర బృందం ఇప్పటికే ప్రకటించిన సంగతి తెలిసిందే.
