సెలబ్రిటీలపై తనదైన స్టైల్లో పంచులేస్తూ క్యాష్ షోని రక్తికట్టిస్తుంటుంది యాంకర్ సుమ. బుల్లితెరపై సుమ హోస్ట్ చేస్తున్న క్యాష్ షో భారీ రెస్పాన్స్ అందుకుంటోంది. గత కొన్నేళ్లుగా ఈ షోకి నీరాజనం పలుకుతున్నారు బుల్లితెర ఆడియన్స్. సుమ యాంకరింగ్, సెలబ్రిటీలతో ఆట పాట ఈ షోలో స్పెషల్ అట్రాక్షన్ అవుతుంటాయి. అయితే ఈ వారం క్యాష్ కార్యక్రమానికి సీతారామం మూవీ టీం వచ్చి సందడి చేసింది. తాజాగా ఈ ప్రోమోను విడుదల చేయగా.. సోషల్ మీడియాలో వైరల్గా మారింది.
అయితే క్యాష్ ప్రోగ్రామ్కు వచ్చిన దుల్కర్ సల్మాన్… తన భార్య తనను ప్రేమగా ఏమని పిలుస్తారో చెప్పారు. అలాగే తాను కూడా ఆమెను ముద్దుగా ఎలా పిలుస్తారో తెలిపారు.
ఇంకా ఆ షోలో దుల్కర్తో పాటు సీనియర్ నటుడు సుమంత్, దర్శకులు తరుణ్భాస్కర్, రాఘపూడి కూడా సందడి చేశారు. సుమతో కలిసి ఫుల్గా నవ్వులు పూయించారు. ఈ క్రమంలోనే సుమంత్.. తన మనసు బండరాయి అని చెబుతూ సరదాగా నవ్వించారు. ఇక సుమ-తరుణ్ మధ్య జరిగిన సంభాషణలు అయితే కితకితలు పెట్టిస్తున్నాయి. అలానే ఈ షోకు వచ్చిన ప్రేక్షకులతో కలిసి దుల్కర్-సుమంత్ చిందులేయడం బాగుంది.
కాగా, ‘సీతారామం’ విషయానికొస్తే.. స్వప్న సినిమా పతాకంపై తెరకెక్కింది. అశ్వినీదత్‌, ప్రియాంకదత్‌ నిర్మాతలు. ‘అఫ్రీన్‌’ అనే కీలక పాత్రలో రష్మిక మందన్న నటించగా.. మరో కీలక పాత్రలో తరుణ్భాస్కర్ కనిపించనున్నారు. ఇప్పటికే విడుదలైన ప్రచారా చిత్రాలు, పాటలు ప్రేక్షకులను ఆకట్టుకుంటున్నాయి. మృణాల్‌ ఠాకూర్‌ కథానాయిక. అన్ని కార్యక్రమాలు పూర్తి చేసుకున్న ఈ సినిమా ఆగస్టు 5న ప్రేక్షకుల ముందుకు రానుంది. ఛాయాగ్రహణం- పి.ఎస్‌.వినోద్‌, సంగీతం- విశాల్‌ చంద్రశేఖర్‌, కూర్పు- కోటగిరి వెంకటేశ్వరరావు, కళ- వైష్ణవిరెడ్డి, ప్రొడక్షన్‌ డిజైన్‌- సునీల్‌ బాబు అందిస్తున్నారు.
