తమిళనాడులో ఓ స్కూల్ గర్ల్స్ కు సంబంధించిన ఓ వీడియో చాలా వైరల్ అవుతోంది. ఏదో ఘనత సాధించినందుకు ఈ వీడియో వైరల్ కాలేదు… స్కూల్ బస్సులోనే బీరు తాగుతూ..ఘనకార్యం వలకబోసినందుకు ఈ వీడియో తెగవైరల్ అవుతోంది. తమిళనాడు చెంగల్పట్టు జిల్లాకు చెందిన ఓ స్కూల్ లో చదువుతున్న విద్యార్థినిలు… స్కూల్ బస్సులో యూనిఫామ్ తో ఉన్న అమ్మాయిలు ఒకరి తరువాత ఒకరు బీరు కొట్టారు.
ఈ సంఘటనను వీడియో తీసిన మరో విద్యార్థి సోషల్ మీడియాలో పెట్టడంతో ఇది తెగ వైరల్ అవుతోంది. దీంతో తమిళనాడు ప్రభుత్వం ఈ ఘటనపై సీరియస్ అయింది. జిల్లా అధికారులు పోలీసులు ఈ వీడియోను పరిశీలిస్తున్నారు. మంగళవారం చెంగల్పట్టు జిల్లా తిరుకఘకుండ్రం నుంచి ఠాచూర్ వెళ్తుండగా.. ఈ ఘటన జరిగిందని పోలీస్ అధికారులు తెలిపారు. దారిలోనే బస్సులో ఉన్న అబ్బాయిలు, అమ్మాయిలు బీర్ బాటిల్స్ తెరిచి తాగడం ప్రారంభించారు. ఈ ఘటనను చెంగల్పట్టు జిల్లా విద్యాధికారి రోజ్ నిర్మల కూడా ధ్రువీకరించారు. ఇది పాఠశాల వెలుపల జరగడంతో.. దీనిపై పోలీసులు విచారణ జరుపుతారని.. అది ముగిసిన తర్వాత విద్యాశాఖ చర్యలు తీసుకుంటుందని ఆమె అన్నారు.
