టీఆర్ఎస్ అధినేత, తెలంగాణ ముఖ్యమంత్రి, కల్వకుంట్ల చంద్రశేఖరరావు దూకుడు పెంచారు. సీఎం కేసీఆర్ అధ్యక్షతన రేపు టీఆర్ఎస్ లెజిస్లేటివ్‌ పార్టీ, పార్లమెంటరీ పార్టీ సమావేశం జరుగనున్నది. అలాగే టీఆర్ఎస్ పార్టీ రాష్ట్ర కార్యవర్గంతో సంయుక్త సమావేశం జరుగనున్నది. మంగళవారం మధ్యాహ్నం 2 గంటలకు సమావేశం జరుగనున్నది.
సమావేశంలో శాసన సభ సభ్యులు, శాసన మండలి సభ్యులు, పార్లమెంట్‌ సభ్యులతో పాటు టీఆర్ఎస్ రాష్ట్రస్థాయి నేతలు పాల్గొన్ననున్నారు. అయితే, ఈ సమావేశంలో.. బీఆర్ఎస్ విస్తరణ, బీజేపీ పై వ్యూహాలు లాంటి వాటిపై సీఎం కేసీఆర్ చర్చించనున్నారు.
ఇదిలా ఉంటే.. చివరగా గత సెప్టెంబర్‌ నెలలో తెలంగాణ భ‌వ‌న్‌లో ముఖ్యమంత్రి కేసీఆర్ అధ్యక్షతన టీఆర్ఎస్ఎల్పీ సమావేశం జరిగింది. ఈ స‌మావేశానికి ఎమ్మెల్యేలు, ఎమ్మెల్సీలు, ఎంపీలు హాజ‌ర‌య్యారు. రాష్ట్రంలో జ‌రుగుతున్న ప్ర‌స్తుత రాజ‌కీయ ప‌రిణామాల‌తో పాటు ప‌లు అంశాల‌పై చర్చించారు. టీఆర్ఎస్ ఎల్పీ సమావేశం ప్రారంభం కంటే ముందు.. ప్ర‌గ‌తి భ‌వ‌న్‌లో తెలంగాణ కేబినెట్ సమావేశం జ‌రిగిన సంగ‌తి తెలిసిందే.
