నిద్రను శృంగారాన్ని మించిన సుఖం ఇంకోటి ఉండదు.. కోట్ల ఆస్తి ఉన్నా.. ఈ రెండు లేకపోతే వేస్టే కదా..! నేడు చాలామంది డబ్బులు సంపాదించడంలో మునిగిపోయి. ఆరోగ్యాన్ని పాడుచేసుకుంటున్నారు.. దీనివల్ల.. రాత్రుళ్లు నిద్రపట్టకా నానా తంటాలు పడుతున్నారు. నిద్రలేమితో బాధపడేవారు ఆందోళన, ఒత్తిడి, ఏకాగ్రత లోపానికి గురవుతారు. ఎలాగోలా నిద్రపోతాం.. కానీ నిద్రపోయేప్పుడు పెద్ద కథే నడుస్తుందట.. నిద్రలో జరిగే కొన్ని షాకింగ్ విషయాల గురించి తెలుసుకోండి.
సాధారణంగా, నిద్రలో కనుబొమ్మలు చుట్టూ తిరుగుతాయి. నిద్రలో ఐదు దశలు ఉంటాయి. ఈ కంటి కదలికలు ఐదో దశలో ప్రారంభమవుతాయి. దీనిని ర్యాపిడ్ ఐ మూమెంట్ అంటారు. ఈ సమయంలో మీరు గాఢ నిద్రలో ఉంటారు. మీ కలలో మీరు పరిగెత్తడం, శారీరక శ్రమ చేయడం మొదలైనవి చూస్తారు. కానీ నిజానికి మీరు నిద్రపోతున్నప్పుడు మీ శరీరం పక్షవాతానికి గురవుతుంది. అవును, మీ శరీరం కదలదు. నిద్ర పక్షవాతం సమయంలో.. ఒక వ్యక్తి ఆడియో, విజువల్ భ్రాంతులు పొందుతాడు కానీ.. చలనం ఉండదు. అందుకే మీరు కలలో అరవాలి, పరిగెత్తాలి అనుకుంటారు..కానీ మీ శరీరం దానికి సహకరించదు.. అటు, ఇటు కదలలేరు. మాట్లాడలేరు. ఇది వ్యక్తి నిద్ర దశల మధ్య జరుగుతుంది. ఈ స్థితి ఒకటి లేదా రెండు నిమిషాలు ఉంటుంది. ఇది ఒత్తిడికి దారితీస్తుంది.
కొన్నిసార్లు మీరు నిద్రపోతున్నప్పుడు ఉలిక్కిపడి లేస్తారు.. మరికొన్నిసార్లు బెడ్ లేదా సోఫా నుంచి పడిపోతారు..అయితే ఇలా ఎందుకు కిందపడిపోతారో.. సరైన కారణాన్ని శాస్త్రవేత్తలు కూడా కనిపెట్టలేకపోయారు.
నిద్రలో రింగింగ్ సౌండ్ కూడా వినిపిస్తుంది. ముఖ్యంగా 50 ఏళ్ల తర్వాత ఈ శబ్దాలు, అంటే పేలుళ్లు లేదా తుపాకీ కాల్పుల వంటి శబ్దాలు వినిపిస్తాయి. దీన్నే ఎక్స్‌ప్లోడింగ్ హెడ్ సిండ్రోమ్ అంటారు. దీనివల్ల నొప్పి ఉండదు కానీ.. మీరు భయాందోళనకు గురికావాల్సి వస్తుంది.
6 శాతం మంది నిద్రలో మాట్లాడుతుంటారు. స్త్రీలు, పిల్లల కంటే పురుషులలో ఇది ఎక్కువగా ఉంటుంది.. ఈ పరిస్థితిని సోమనిలోకీ అంటారు. ఇది ప్రమాదకరమైనది, మీరు దీన్ని గుర్తుంచుకోలేరు. కానీ ఇది మీ పక్కన పడుకున్నవారిని చికాకుపెడుతుంది. దీనికి ప్రధాన కారణం ఒత్తిడి, డిప్రెషన్ ఇతర వ్యాధులు.
చాలా మంది నిద్రపోతున్నప్పుడు పళ్ళు కొరుకుతూ ఉంటారు. దీనిని వైద్య భాషలో బ్రక్సిజం అంటారు. ఇది దంతాలను వికృతం చేస్తుంది. దీని వల్ల దవడలు దెబ్బతింటాయి. ఇది కూడా ఒత్తిడి, టెన్షన్ వల్ల వస్తుందని తెలిసింది.
కళ్లుమూసుకుంటున్నాం.. పడుకున్నాం.. మళ్లీ ఎప్పటికో లేస్తున్నాం అని మనం అనుకుంటాం.. కానీ బ్యాగ్రౌండ్‌లో ఇంత జరుగుతుందో తెలుసా..? ఇంకా కలల గురించి చెప్పనక్కర్లేదు.. !
