టాలీవుడ్ యాంకర్ లాస్య మరో గుడ్‌న్యూస్ చెప్పింది. రెండోసారి తల్లైన లాస్య.. మళ్లీ పండంటి మగబిడ్డకు జన్మనిచ్చింది. ఈ విషయాన్ని తన సోషల్ మీడియా ఖాతా ద్వారా అభిమానులతో షేర్ చేసుకుంది. ‘మా జీవితంలో కొత్త ప్రేమను కలుసుకున్నాం’ అంటూ ఓ క్యూట్ వీడియో పోస్ట్ చేసింది లాస్య. మార్చి 7న చిన్నారి జన్మించినట్లు తెలిపింది. ఆ వీడియోలో లాస్య, మంజునాథ్తో పాటు వారి తొలి సంతానమైన దక్ష్ చేతులు ఉన్నాయి. ఒక్కొక్కరు తమ చేతులు ఓపెన్ చేస్తూ వస్తుంటే ‘ఇట్స్ ఏ బేబీ బాయ్’ అనే పదం కనిపిస్తోంది. ఈ విధంగా తమ సంతోషకరమైన వార్తను అభిమానులతో పంచుకున్నారు లాస్య దంపతులు.
తన యాంకరింగ్ ద్వారా ప్రేక్షకులకు సుపరిచితురాలైన లాస్య.. బిగ్బాస్తో మరింత ఫేమస్ అయ్యింది. మంజునాథ్ అనే వ్యక్తిని ప్రేమించి పెళ్లాడింది. వీరికి ఇదివరకే దక్ష్ అనే కుమారుడు ఉన్నాడు. ఫ్యాన్స్ కోసం సోషల్ మీడియాలో యాక్టివ్గా ఉండే ఈ తార.. యూట్యూబ్లో వీడియోలు కూడా చేస్తుంటుంది. ఈ బ్యూటీ యూట్యూచ్ ఛానెల్‌కు చాలా క్రేజ్ ఉంది. లాస్య చేసే యూట్యూబ్ వీడియోలంటే చాలా మంది ఇష్టపడుతుంటారు. అందుకే ఆ వీడియోలకు లైకులు, షేర్లు కూడా ఆ రేంజ్‌లోనే ఉంటాయి మరి.
