సినీ ప్రియులకు ప్రముఖ మల్టీప్లెక్స్లు ఐనాక్స్, పీవీఆర్లు గుడ్ న్యూస్ చెప్పాయి. కేవలం ఒక్క రూపాయి చెల్లించి దాదాపు అరగంట సేపు అన్ని కొత్త సినిమాల ట్రైలర్లను చూసే అవకాశాన్ని కల్పించనున్నట్లు తెలిపాయి. ఇందు కోసం స్పెషల్ ట్రైలర్ షోను వేయనున్నట్లు ప్రకటించాయి. ఒకటి, రెండు కాదు ఏకంగా 30 నిమిషాల పాటు త్వరలో రిలీజ్కు సిద్ధం కానున్న కొత్త సినిమాలకు సంబంధించిన మూవీ ట్రైలర్‌లు అన్నింటిని చూడాలనుకునే వారి కోసం ఇది ప్లాన్ చేసినట్లు వెల్లడించాయి.
కేవలం ట్రైలర్‌ల కోసం మల్టీప్లెక్స్లలో షోలు నిర్వహించాలని నిర్ణయించారు. విడుదలకు సిద్ధంగా ఉన్న 10 సినిమా ట్రైలర్లను ఎంపిక చేసి బిగ్‌ స్క్రీన్‌పై చూపించనున్నారు. వాటిలో స్థానిక భాషలతో పాటు బాలీవుడ్‌, హాలీవుడ్‌ సినిమాల ట్రైలర్‌లు కూడా ఉండనున్నాయి. ‘ట్రైలర్ స్క్రీనింగ్ షో’ అనే కాన్సెప్ట్‌తో మొదలవుతున్న ఈ స్క్రీనింగ్ కోసం.. పీవీఆర్, ఐనాక్స్ మల్టీ ప్లెక్స్‌లు రోజులో ఒక షో ని కేవలం ట్రైలర్‌లకు మాత్రమే కేటాయించనున్నారు. దీని ద్వారా దాదాపు అరగంట సేపు పాటు ఎంపిక చేసిన కొత్త సినిమా ట్రైలర్స్‌ను ఒక్క రూపాయికే ప్రదర్శించనున్నారు.
