టీఆర్ఎస్ వాళ్లకు రోగం పుట్టింది… అందుకే మాపై రాళ్లేస్తున్నారు: బండి సంజయ్

బీజేపీ వాళ్లకు ఏం రోగం పుట్టింది, ఎందుకు యాత్ర చేస్తున్నారంటూ ప్రశ్నిస్తున్నారని.. రోగం పుట్టింది మాకు కాదని టీఆర్ఎస్ పార్టీ వాళ్లకే అని.. అందుకే మా యాత్రను అడ్డుకునేందుకు రాళ్లేస్తున్నారు అంటూ విమర్శించారు బీజేపీ తెలంగాణ అధ్యక్షుడు బండి సంజయ్. మేం ఎన్నికల కోసం, ఓట్ల కోసం రాలేదని.. ప్రజల కష్టాలు తెలుసుకోవడానికి, మీకు అండగా ఉంటామని ధైర్యం కల్పించడానికే ఎండలో కూడా ఈ యాత్ర చేస్తున్నామని అన్నారు. టీఆర్ఎస్ పార్టీ వాళ్లు ఎన్నికల ముందే యాత్రలు చేస్తారని.. వంగివంగి దండాలు పెడుతారని…అమలు కానీ హామీలు ఇస్తారని.. గెలిచిన తర్వాత ఫామ్ హౌజుల్లో ప్రగతి భవన్ లో తాగి పండుకుంటారని విమర్శలు చేశారు. దొంగ లెటర్ల, దొంగపత్రాలు ఇచ్చి ప్రజల్ని వంచింది ఓట్లు సంపాదించుకుని పత్తా లేకుండా పోతారని విమర్శించారు. దేశ ప్రధాని నరేంద్ర మోదీ 18 గంటలు పని చేస్తే 4 గంటలే పడుకుంటారని…కేసీఆర్ 4 గంటలు తెలివితో ఉండీ 18 గంటలు పడుకుంటారని ఎద్దేవా చేశారు. ఆ నాలుగు గంటలు కూడా బయటకు రారని విమర్శించారు. మా యాత్రను ఎందుకు అడ్డుకుంటున్నారని ప్రశ్నించారు. కావాలంటే మీరు యాత్రలు కూడా చేసుకోవచ్చని టీఆర్ఎస్ పార్టీకి హితవు పలికారు.