అమెరికా అధ్యక్ష ఎన్నికల్లో రిపబ్లికన్ పార్టీ అభ్యర్థి డొనాల్డ్ ట్రంప్ ఘన విజయం సాధించారు. ప్రస్తుతం 267/270 ఎలక్టోరోల్ ఓట్లు సాధించిన ట్రంప్.. తనకు ఈసారి 300లకు పైగా ఓట్లు వస్తాయని ప్రకటించారు. రాబోయే రోజుల్లో అమెరికాకు స్వర్ణయుగం రాబోతోందని ప్రసంగించారు. ప్రస్తుతం మరికొన్ని రాష్ట్రాల్లో కౌంటింగ్ జరుగతోంది. ట్రంప్ పార్టీ 25 రాష్ట్రాల్లో విజయం సాధించినట్లు తెలుస్తోంది.
ట్రంప్ విజయం సాధించాడని తెలియగానే మొదటి నుంచి ఆయనకు మద్దతు ప్రకటించిన ప్రపంచకుబేరుడు ఎలాన్ మస్క్ ట్వీట్ ప్రస్తుతం వైరల్ అవుతోంది. వైట్ హౌస్‌లో ఎలాన్ మస్క్ కిచెన్ సింక్‌తో అడుగుపెట్టినట్లు ఓ ఎడిటెడ్ పిక్‌ను పోస్టు చేశారు. ‘LET THAT SINK IN’ అని ట్యాగ్ లైన్ ఇచ్చారు. ట్విట్టర్‌ను కొనుగోలు చేశాక ఆయన ఇలాగే సింక్ తో ఆఫీసులోకి ఎంటరవ్వడం తెలిసిందే. ఆ తర్వాత తన విజన్‌కు అనుగుణంగా మార్పులు చేపట్టారు. వైట్‌హౌస్‌లో ట్రంప్ నేతృత్వంలో త్వరలోనే భారీ మార్పులు ఉంటాయని మస్క్ ఇలా సింబాలిక్‌గా చెప్పాడని నెటిజన్లు కామెంట్స్ చేస్తున్నారు.
