నందమూరి బాలకృష్ణ హోస్ట్ చేస్తున్న అన్ స్టాపబుల్ సీజన్ 2 కి తాజాగా రెబల్ స్టార్ ప్రభాస్ గ్రాండ్ గా ఎంట్రీ ఇచ్చిన సంగతి తెలిసిందే. ఈ ఎపిసోడ్ లో ప్రభాస్ తో పాటు గోపీచంద్ కూడా పాల్గొన్నారు. ఇప్పటికే విడుదలైన ఈ షో ప్రోమోలు దుమ్ము రేపుతున్నాయి. జస్ట్ ప్రోమో రికార్డ్ వ్యూస్ అందుకుంది. ఈ షోలో ప్రభాస్ లోని రొమాంటిక్ యాంగిల్, ఎఫైర్స్ గురించి చర్చ జరిగిందని అర్థం అవుతుంది. అంతేకాకుండా ఎప్పటినుంచో ఫ్యాన్స్ ని వేధిస్తున్న ప్రభాస్ పెళ్లి విషయం కూడా చర్చకు వచ్చింది.
ఈ ముగ్గురు కలిసిన ఎపిసోడ్ సందడిగా ఉండబోతుందో ప్రత్యేకంగా చెప్పాల్సిన అవసరం లేదు. ఇక ఈ షోలో తన పెద్దనాన్న కృష్ణంరాజు గురించి కూడా చెప్పి ఎమోషనల్ అయ్యారు ప్రభాస్. ఇక బాలకృష్ణ రామ్ చరణ్ కి ఒక ఫోన్ కాల్ చేయగా ప్రభాస్ గురించి ఓ ఆసక్తికరమైన లీక్ ఇచ్చారు. అయితే ఈ ఎపిసోడ్ మొత్తం కంటెంట్ బాగుండడంతో ఎడిట్ చేసేందుకు ఎవరు ఒప్పుకోవట్లేదు. దీంతో ఈ ఎపిసోడ్ ని రెండు భాగాలుగా విభజించి రిలీజ్ చేయనున్నట్లు ఆహా ప్రకటించింది. మొదటి భాగం డిసెంబర్ 30వ తేదీన, రెండవ భాగాన్ని జనవరి 6న విడుదల చేయనున్నట్లు ప్రకటించింది ఆహా.
