తిరుపతి లో వైసీపీ కీలక సమావేశం జరుగుతోంది. పంచాయతీ పార్లమెంటు ఎన్నికలపై ఈ సమావేశంలో వైసీపీ పెద్దలు చర్చిస్తున్నారు..ఈ సమావేశంలో రోజా మాట్లాడుతూ ఇంతటి అసమర్థ ఎన్నికల కమిషనర్ ను ఎక్కడా చూడలేదని ప్రజలు సమాధి చేసిన పార్టీని నిమ్మగడ్డ బతికించాలి అని చూస్తున్నారని అన్నారు. నిమ్మగడ్డ టిడిపి కార్యకర్తలలా పని చేస్తున్నారని ఆమె విమర్శించారు. ఇక టీటీడీ చైర్మన్ వై వి సుబ్బారెడ్డి మాట్లాడుతూ ఏకగ్రీవాలను రద్దు చేసే పరిస్థితి లేదు అని అన్నారు.
టిడిపి నేతలు దాడులకు పాల్పడుతున్నారని ఆయన టిడిపి నేతల పై అధికారులు చర్యలు తీసుకోవాలని అన్నారు. అధికారులు టిడిపి నేతల ఒత్తిళ్లకు భయపడవద్దని ఆయన అన్నారు. విశాఖ ఉక్కు పోరాటం వెంకయ్య నాయుడు స్పందించాలని మాకంటే బిజెపి పైన ఎక్కువ బాధ్యత ఉందని పెద్దిరెడ్డి రామచంద్రారెడ్డి పేర్కొన్నారు. ఇక అనంతరం తిరుపతి పార్లమెంట్ ఎన్నికలకు సంబంధించి ఈ సమావేశంలో కీలక చర్చలు జరుగుతున్నాయని అంటున్నారు.
