ముఖ్యమంత్రి జగన్మోహన్ రెడ్డికి నరసాపురం ఎంపీ రఘురామ కృష్ణంరాజు మరో లేఖ రాసారు. అయోధ్యలో ఆగష్టు 5 తేదీన జరిగే భూమి పూజ కార్యక్రమం రోజు రాష్ట్రంలోని అన్ని దేవాలయాల్లో ప్రత్యేక పూజలు నిర్వహించాలని ఆయన కోరడం విశేషం. దేవాదాయ ధర్మాదాయ శాఖ ఆద్వర్యంలోని 24 వేల దేవాలయాల్లో ప్రత్యేక పూజలు, హోమాలు , వేద పఠనం నిర్వహించాలని ఆయన కోరారు.
భూమి పూజ కార్యక్రమాన్ని టీటీడీ ఆద్వర్యంలోని ఎస్వీబీసీ ఛానల్ లో ప్రత్యక్ష ప్రసారం చెయ్యాలని ఆయన తన లేఖలో విజ్ఞప్తి చేసారు. అయోధ్యలో రామాలయం నిర్మాణానికి ప్రధాన మంత్రి మోడీ ఆగష్టు 5 వ తేదీ చేస్తున్న భూమి పూజ భారత దేశ చరిత్రలో ఒక మైలు రాయి అని ఆయన తన లేఖలో పేర్కొన్నారు. ప్రజలు చిరకాల వాంఛ అయోధ్యలో రామాలయం నిర్మాణం అని ఆయన వ్యాఖ్యానించారు.
