జియోఫోన్ నెక్ట్స్ పై డిస్కౌంట్ ప్రకటించిన రిలయన్స్.. కానీ ఇలా చేయాలంట..!

రిలయన్స్ జియో.. 4జీ స్మార్ట్ పోన్ జియోఫోన్ నెక్ట్స్ పై డిస్కౌంట్ ప్రకటించింది. ఫోన్ గత సంవత్సరం లాంచ్ కాగా.. కంపెనీ తొలిసారి డిస్కౌంట్ ప్రకటింటింది. డిస్కౌంట్ పోగా.. ఈ ఫోన్.. 6,499 ధర  ఉండాల్సింది…రూ.4,499కు వచ్చేస్తుంది. అయితే ఇక్కడే ఓ చిక్కు ఉంది. అదేంటంటే..

జియోఫోన్ నెక్స్ట్‌ (JioPhone Next) పై రూ.2,000 డిస్కౌంట్ పొందాలనుకునే వారు తమ పాత ఫోన్‌ను ఎక్స్చేంజ్ చేయాల్సి ఉంటుంది. పని చేస్తున్న 4జీ ఫోన్‌ను ఎక్స్చేంజ్ ఇస్తే రూ.4,499కే జియోఫోన్ నెక్స్ట్‌ను సొంతం చేసుకోవచ్చు. ఇదేదో తేడాగా ఉందే.. రూ. 2000 కోసం ఇప్పుడు పనిచేసే కొత్త ఫోన్ ఇచ్చేయాలట.!

జియోఫోన్ నెక్ట్స్ కొనాలనుకునే ముందుగా రూ.1,999 చెల్లించి.. 24నెలల వరకు ఈఎంఐల ద్వారా కూడా కొనుగోలు చేయవచ్చు. అయితే దీంటోపాటు డేటా, కాలింగ్ బెనిఫిట్స్ ఉండే ప్లాన్‌లను ఎంచుకోవాల్సి ఉంటుంది. ప్రారంభ ఆల్‌వేస్ ఆన్ ప్లాన్‌ కింద 24 నెలల ఈఎంఐను ఎంచుకుంటే నెలకు రూ.300, 18 నెలల ఈఎంఐ ఆప్షన్‌కు నెలకు రూ.350 చెల్లించాల్సి ఉంటుంది.

18,24 ఈఎంఐ ఆప్షన్ ఎంచుకుంటే నెలకు 5జీబీ డేటా, నెలకు 100నిమిషాల కాలింగ్, నెలకు 100ఎస్ఎంఎస్‌లు లభిస్తాయి. అలాగే లార్జ్, ఎక్స్ఎల్, డబుల్ ఎక్స్ఎల్ ప్లాన్‌లు కూడా అందుబాటులో ఉన్నాయి. ఎంచుకునే ప్లాన్‌ను బట్టి నెలకు కట్టాల్సిన ఈఎంఐ మొత్తం ఉంటుంది. ఈఎంఐ ఆప్షన్ ద్వారా జియోఫోన్ నెక్స్ట్‌ను తీసుకుంటే అదనంగా రూ.501 ప్రాసెసింగ్ ఫీజు చెల్లించాల్సి ఉంటుంది.

5.45 ఇంచుల డిస్‌ప్లేతో జియోఫోన్ నెక్ట్స్ వస్తోంది. దీనికి కార్నింగ్ గొరిల్లా గ్లాస్ 3 ప్రొటెక్షన్ ఉంటుంది.

క్వాల్‌కామ్‌ స్నాప్‌డ్రాగన్ 215 ప్రాసెసర్‌పై ఈ ఫోన్‌ అన్ అవుతుంది.

ఆండ్రాయిడ్‌ ఆధారిత ప్రగతి ఓఎస్ ఇందులో ఉంటుంది.

2జీబీ ర్యామ్, 32 జీబీ ఇంటర్నల్ స్టోరేజీతో వస్తోంది. మైక్రో ఎస్‌డీ కార్డు ద్వారా స్టోరేజ్ పొడిగించుకోవచ్చు.

జియోఫోన్ నెక్స్ట్ వెనుక 13మెగాపిక్సెల్ కెమెరా ఉంటుంది.  సెల్ఫీలు, వీడియోకాల్స్ కోసం 8 మెగాపిక్సెల్ కెమెరాను జియో పొందుపరిచింది.  ఈ ఫోన్‌లో 3500mAh బ్యాటరీ ఉంటుంది. 4జీ, బ్లూటూత్, వైఫై, మైక్రో యూఎస్‌బీ పోర్టు కనెక్టివిటీ ఆప్షన్లుగా ఉన్నాయి.

ఇంట్లో ఉండే వాళ్లకు..ఈ ఫోన్ బెస్ట్ ఎంపికే.. తక్కువ బడ్జెట్ లో..స్మార్ట్ ఫోన్ వస్తుంది. యూత్ అయితే అస్సలు దేకరనుకోండి..!