ఉద్యోగం చేసేవారికి పీఎఫ్ అకౌంట్ ఉంటుంది. అయితే ఈ పీఎఫ్ అకౌంట్ ఉన్న వాళ్ళకి
ఉచితంగానే రూ.7 లక్షల వరకు ప్రయోజనం పొందొచ్చు. పీఎఫ్ ఖాతా కలిగిన ప్రతి ఒక్కరికీ ఈ బెనిఫిట్ లభిస్తుందని గుర్తించుకోవాలి. ఇక దీని కోసం పూర్తి వివరాల లోకి వెళితే.. ఎంప్లాయీస్ ప్రావిడెంట్ ఫండ్ ఆర్గనైజేషన్ EPFO సబ్‌స్క్రైబర్లుకి ఉచితంగా ఇన్సూరెన్స్ లభించే అవకాశం వుంది.
ఎంప్లాయీస్ డిపాజిట్ లింక్డ్ ఇన్సూరెన్స్ EDLI పథకం కింద ఈ లాభాన్ని పొందొచ్చు. దీనిలో భాగంగా రూ.7 లక్షల వరకు ప్రయోజనం పొందొచ్చు. ఎప్పుడు ఈ డబ్బులు పొందొచ్చు అనేది చూస్తే.. సర్వీస్‌లో ఉన్నప్పుడు ఉద్యోగి ప్రమాదవశాత్తు మరణిస్తే రూ.7 లక్షల వరకు కుటుంబ సభ్యులకు లభిస్తాయి.
పీఎఫ్ అకౌంట్ ఉన్నవాళ్లకి ఈ స్కీమ్ వర్తిస్తుంది. ప్రీమియం కూడా కట్టక్కర్లేదు. ఈడీఎల్‌ఐ స్కీమ్ కింద ఉద్యోగి కుటుంబాలకు కనీసం రూ.2.5 లక్షలు వస్తాయి. దీనికి ఉద్యోగి గత 12 నెలలుగా సర్వీస్‌లో వుండాలి. అప్పుడు ఈ ప్రయోజనం వస్తుంది. ఇది ఇలా ఉంటే 12 శాతం (బేసిక్ శాలరీ, డీఏ) కట్ అవుతాయి. అలాగే కంపెనీ కూడా 12 శాతం మొత్తాన్ని ఉద్యోగి పీఎఫ్ ఖాతాలో జమ చేస్తుంది. ఇందులో 0.5 శాతం ఈడీఎల్‌ఐ స్కీమ్‌కు వెళ్తుంది.
