టిడిపి సీనియర్ నేత గోరంట్ల బుచ్చయ్య చౌదరి వైసీపీ సర్కార్ పై తీవ్ర విమర్శలు చేశారు. ఉత్తరాంధ్రలో చంద్రబాబు టూర్ మూడు రోజుల పాటు అద్భుతంగా జరిగిందని.. ఏపీ ప్రభుత్వం చార్జీలతో విపరీతంగా బాధిస్తోందని ప్రజలే చెబుతున్నారన్నారు. ఓ చేత్తో డబ్బులు ఇచ్చి.. మరో చేత్తో రెండింతలు జగన్ ప్రభుత్వం లాక్కుంటుంది అని మండిపడ్డారు. జగన్ హయాంలో ఐదు లక్షలు పెన్షన్లు, 12 లక్షలు రేషన్ కార్డులు రద్దు అయ్యాయి అని వివరించారు. ఏపీలో నవరత్నాలకు రంద్రాలు పడ్డాయని గోరంట్ల బుచ్చయ్య చౌదరి వ్యాఖ్యానించారు.
అమ్మ ఒడి కింద ప్రభుత్వం ఇచ్చే డబ్బులు సారా బుడ్డికే పోతున్నాయని ఆరోపించారు. జగన్ మాటలు కోటలు దాటుతున్నాయి అని.. అంబులెన్స్ మాఫియాకు అధికార పార్టీ అండదండలు ఉన్నాయని ఆరోపించారు. ప్రభుత్వాసుపత్రుల్లో మందులు కూడా లేని దుస్థితి నెలకొందన్నారు.జగన్ స్వయంగా బోగస్ మాటలు చెబుతున్నారని మండిపడ్డారు.జగన్ ఓ బొగస్ సీఎం అని..వైసీపీది ఓ ఫ్రాడ్ ప్రభుత్వం అని వ్యాఖ్యానించారు గోరంట్ల బుచ్చయ్య చౌదరి.
