ఇటీవలే హైదరాబాద్ మెట్రోలో ఓ యువతి డ్యాన్స్ చేసిన వీడియో సోషల్ మీడియాలో హల్చల్ సృష్టించింది. ఆ వీడియో మెట్రో యాజమాన్యం దృష్టికి వెళ్లగా మెట్రో ఎండీ యువతకు సీరియస్ వార్నింగ్ ఇచ్చారు. మెట్రో రైళ్లో ప్రయాణికులకు అసౌకర్యం కలిగించే ఎలాంటి పనులైనా అనుమతించబోమని.. ఈ నిబంధన ఉల్లంఘిస్తే కఠిన చర్యలు తీసుకుంటామని హెచ్చరించారు. మరోవైపు హైదరాబాద్ పోలీసులు కూడా ఆమెకు నోటీసులు ఇచ్చారు.
ఇదంతా ఓవైపు.. మరోవైపు ఏం జరుగుతోందంటే.. సోషల్ మీడియాలో ఈ వీడియో తెగ వైరల్ అవుతోంది. ఇప్పటికే 50వేలకు పైగా మంది ఈ వీడియోను వీక్షించారు. ఇక లైకులు, షేర్లకు లెక్కలేదు. పబ్లిక్ ప్లేస్లలో డ్యాన్స్లు చేయడం.. వీడియోలు తీయడం.. అవి సోషల్ మీడియాలో పోస్ట్ చేయడం.. వెరైటీగా ఉన్నవి ట్రెండ్ అవ్వడం ఈరోజుల్లో ఇదంతా మామూలే. కానీ స్పెషల్గా మెట్రోలో యువతి డ్యాన్స్ చేయడం.. ఆమెకు అధికారులు నోటీసులు జారీ చేయడంతో ఈ విషయం ఇంకాస్త ట్రెండ్ అవుతోంది.
దీనిపై సోషల్ మీడియాలో నెటిజన్లు భిన్నంగా స్పందిస్తున్నారు. కొందరేమో “మెట్రో పబ్లిక్ ప్రాపర్టీ అని.. అలాంటి ప్లేస్లలో ఇష్టం వచ్చినట్లు వ్యవహరించి ఇతరులకు ఇబ్బంది కలిగించడం కరెక్ట్ కాదు” అంటున్నారు. మరికొందరేమో.. “ఆమె ప్రయాణిస్తున్న మెట్రోలో జనం ఎక్కువగా లేరు. ఆమె ఎవరికీ ఇబ్బంది కలిగించకుండా తన ట్యాలెంట్ను షో చేసింది. అంతే కాకుండా నాకు తెలిసి.. మెట్రోలో ప్రయాణిస్తున్న వారు ఆమె డ్యాన్స్ చూసి ఎంటర్టైన్ అయ్యుంటారు. సో ఇందులో ఆమె తప్పేం లేదు.” అని చెబుతున్నారు. ఇంకొందరేమో “ఆమె డ్యాన్స్ వీడియోతో మెట్రోకు పాపులారీటీ వచ్చిందని.. ఫ్రీ పబ్లిసిటీ ఇచ్చినందుకు ఆమెకు థ్యాంక్స్ చెప్పాలని” అంటున్నారు.
I don't know why ppl making so issue on her #Dancing
She didn't curtailed anyone else freedom, neither she block anyone's way. I appreciate her confidence!If you have issue on her dancing on public place, Then u should make issue when People Praying on Road or public area! https://t.co/UIjgdgFbvj
— Ankita Chaurasia 🇮🇳 (@Ankita84sia) July 22, 2022
