ఇంటి దగ్గర ల్యాప్‌టాప్‌తో పనిచేయాల్సి వచ్చినప్పుడు మన ఇష్టం వచ్చినట్లు కుర్చుంటాం.. వర్క్‌ ఫ్రమ్‌ చేసేవాళ్లు అయితే గంటల తరబడి ఆ ల్యాప్‌టాప్‌ను ఎన్నో భంగిమలలో వేసుకుని వర్క్‌ చేస్తాం. ఇంటి నుంచి పనిచేసినప్పటికీ ఒక ఆఫీస్‌ ఛైర్‌, టేబుల్‌ ఉండాలి. అలాంటప్పుడే ఏం సమస్యలు రావు. కానీ వివిధ కారణాలతో అందరూ బెడ్‌ మీద కుర్చోనే చేస్తారు. ఇంకొంతమంది అయితే పడుకొని చేస్తారు. ఇలా పడుకొని ల్యాప్టాప్ చూడటం వల్ల చాలా సమస్యలు వస్తాయట.. మీకు తెలుసో లేదో.. వర్క్‌ ఫ్రమ్‌ చేసే వాళ్లలో చాలామందికి కొవ్వుగడ్డలు ఏర్పడి ఆసుపత్రిలో చికిత్స పొందుతున్నారు. ఇలా పడుకొని, బెడ్‌పై ఇష్టం వచ్చినట్లు కుర్చోని కదలకుండా గంటల తరబడి వర్క్‌ చేసి ఈ సమస్యలను కొనితెచ్చుకుంటున్నారు.
మెడ నొప్పి
ఎక్కువసేపు పొట్టపై ల్యాప్టాప్ పెట్టుకుని పనిచేయడం వల్ల మెడ స్థానం సరిగ్గా లేకుంటే, మెడ నొప్పి పెరుగుతుంది. గంటల తరబడి ఈ భంగిమలో ఉండడం వల్ల వెన్నుపాముపై ఒత్తిడి ఎక్కువగా పడుతుంది. వెన్నులో విపరీతమైన నొప్పి వచ్చే అవకాశం కూడా ఉంది. మీరు చాలా సంవత్సరాలుగా ఇలా చేస్తుంటే, మీరు గర్భాశయ నొప్పికి గురయ్యే ప్రమాదం ఉంది.
వెన్నుపాము సమస్య
కడుపుపై పడుకుని గంటల తరబడి ల్యాప్‌టాప్‌ను చూడటం వల్ల వెన్నుపాముపై ప్రభావం పడుతుందని ఇప్పుడే చెప్పుకున్నాం కదా..దీని కారణంగా, వెన్ను కండరాలు సాగడం ప్రారంభమవుతాయి. ఎముక నొప్పి పెరుగుతుంది. వెన్నుపాముకి ఏదైనా జరిగితే పక్షవాతం కూడా వచ్చే అవకాశం ఉంది. కాబట్టి జాగ్రత్త తీసుకోవడం మన బాధ్యత.
జీర్ణక్రియ సమస్య
పడుకుని ఎక్కువసేపు ల్యాప్‌టాప్‌లో పని చేస్తే.. అది మన జీర్ణ వ్యవస్థపై ప్రభావం చూపిస్తుంది. ఎందుకంటే అలాంటి స్థానం మన జీవక్రియపై చెడు ప్రభావాన్ని చూపుతుంది. ఇది మలబద్ధకం, గ్యాస్‌కు దారితీస్తుంది. మీ ఆకలి కూడా ప్రభావితమవుతుంది.
కళ్లపై చెడు ప్రభావం
పడుకుని ల్యాప్ టాప్ వాడడం వల్ల కూడా మన కళ్లు కూడా దెబ్బతింటాయి. దీని కారణంగా, కళ్ళు, ఈ ఎలక్ట్రానిక్ గాడ్జెట్ మధ్య సరైన దూరం ఉండదు..స్క్రీన్ కాంతి మన కళ్ళను ప్రభావితం చేయడం ప్రారంభిస్తుంది. దీర్ఘకాలంలో కంటి చూపు కోల్పోయే ప్రమాదం ఉంటుంది.
ఆఫీస్‌లో ఉన్నా ఇంట్లో ఉన్నా ఎలాగైతే ఒకటే పని చేస్తామో..కుర్చోవడం కూడా అలానే ఏర్పాటు చేసుకోవాలి. మంచి టేబుల్‌, ఛైర్‌ తీసుకుంటే మీరు ఎన్ని సంవత్సరాలు వర్క్‌ ఫ్రమ్‌ హోమ్‌ చేసినా ఎలాంటి ఉండదు.
