రజినీకాంత్: కోలీవుడ్ స్టార్ హీరో సూపర్ స్టార్ రజనీకాంత్ ప్రస్తుతం నటిస్తున్న చిత్రం జైలర్.. ప్రస్తుతం ఈ సినిమా షూటింగ్ సర్వేగంగా జరుగుతున్న నేపథ్యంలో తాజాగా ఈ సినిమాకు సంబంధించిన గ్లింప్స్ ను విడుదల చేసిన చిత్ర బృందం ఓ లేటెస్ట్ అప్డేట్ ను ఇచ్చింది.
డైరెక్టర్ నెల్సన్ దిలీప్ కుమార్ దర్శకత్వంలో ప్రస్తుతం సూపర్ స్టార్ రజనీకాంత్ నటిస్తున్న చిత్రం జైలర్. తాజాగా ఈ సినిమాకు సంబంధించిన ఒక లేటెస్ట్ అప్డేట్ అప్డేట్ ను విడుదల చేసింది. చిత్ర బృందం ఆగస్టు 10 ఈ సినిమా థియేటర్లలో సందడి చేయనుందని అధికారికంగా ప్రకటించారు. అంతేకాకుండా రిలీజ్ డేట్ అనౌన్స్మెంట్ ట్యాగ్తో 47 సెకన్ల వీడియో గ్లింప్స్ను విడుదల చేశారు.
బీస్ట్ మూవీ ని తెరకెక్కించిన దిలీప్ కుమార్ ఈ సినిమాకి దర్శకత్వం వహిస్తుండగా కళానిధి మారన్ భారీ బడ్జెట్‌తో ఈ చిత్రాన్ని నిర్మిస్తున్నారు. తమిళ స్టార్ మ్యూజిక్ డైరెక్టర్ అనిరుధ్ రవిచందర్ సంగీతం అందిస్తున్నాడు. గ్లింప్స్ వీడియోలోనూ బ్యాక్ గ్రౌండ్ మ్యూజిక్తో అనిరుధ్ అదరగొట్టాడు. ఇక రజినీకాంత్ సరసన తమన్నా భాటియా హీరోయిన్గా నటిస్తోంది. కన్నడ స్టార్ నటుడు శివ రాజ్‌కుమార్, మలయాళ సూపర్‌స్టార్ మోహన్‌లాల్, జాకీ ష్రాఫ్, రమ్య కృష్ణ, కమెడియన్ సునీల్ తదితరులు ఈ సినిమాలో ప్రధాన పాత్రలు పోషిస్తున్నారు. తాజాగా రిలీజైన గ్లింప్స్ వీడియోలో సూపర్ స్టార్ రజినీ తన ఎంట్రీతో అదరగొట్టారు. తనదైన స్టైల్‌లో కారు నుంచి దిగుతూ కనిపించారు. బ్లూ షర్ట్, కళ్లజోడుతో రజినీ లుక్స్ అదిరిపోయాయి. ఈ చిన్న గ్లింప్స్‌లోనే కన్నడ హీరో రాజ్ కుమార్, మలయాళ స్టార్ మోహన్ లాల్, జాకీ ష్రాఫ్‌తో పాటు సునీల్ క్యారెక్టర్‌ను చూపించారు.
