నాలుక కాలిందా: ఒక్కోసారి మనం పాయసం వేడి వేడిగా తిన్నప్పుడు నోరు కాలిపోతుంది. నిజానికి పాయసం వేడిగా ఉన్నప్పుడు తింటేనే టేస్టీగా ఉంటుంది. కానీ అది తిన్నాకా మీకు ఆ రోజంతా నోరు కాలి నాలుక ఒకలా ఉంటుంది కదా..! తరచుగా హడావిడిగా వేడి పదార్థాలు తిన్న తర్వాత నాలుక మండుతుంది. నాలుక మంట అనేక సమస్యలను కలిగిస్తుంది. ఈ నాలుక మంటను తగ్గించుకోవడానికి సింపుల్‌గా ఏం చేయాలో చూద్దామా..
తేనెలో చాలా గుణాలు ఉన్నాయి. ఆయుర్వేద పరంగా తేనె చాలా రకాలుగా ఉపయోగపడుతుంది. ఈ విధంగా మీరు ఏదైనా త్వరగా తింటే, అది మీ నాలుకపై కాలిపోతే, మీరు తేనెను ఉపయోగించవచ్చు. దీని కోసం మీరు నాలుకపై తేనె రాయండి.. ఈ రెమెడీని రోజుకు 4 నుండి 5 సార్లు చేయండి. ఇలా చేయడం వల్ల నాలుకపై మంట తగ్గుతుంది.
పెరుగు చల్లదనాన్ని కలిగిస్తుంది. మీ నాలుకపై కాలినప్పుడు పెరుగును ఉపయోగించవచ్చు. ఇది సహజ నివారణ. పెరుగులో క్రిమినాశక మరియు యాంటీ ఆక్సిడెంట్ గుణాలు ఉన్నాయి, ఇవి నాలుకపై మంటను తగ్గించడానికి పని చేస్తాయి.
ఐస్ క్రీం తినండి: మీరు వేడి ఆహారాన్ని తిన్నప్పుడు మీ నాలుక మండినప్పుడు ఐస్ క్రీం తినొచ్చు.. ఐస్ క్రీం తినడం వల్ల ఉపశమనం కలుగుతుంది. ఐస్ క్రీం తినడం వల్ల నాలుకపై వాపు కూడా తగ్గుతుంది.
చల్లటి పండ్ల రసాన్ని త్రాగండి: మీరు వేడిగా ఏదైనా తింటే మీ నాలుక మండినట్లయితే, చల్లని పండ్ల రసం తాగొచ్చు… పండ్ల రసం తాగడం వల్ల నాలుకపై మంట నుంచి ఉపశమనం లభిస్తుంది.
ఇవేవి చేయకున్నా.. మీ నాలుక మంట సాధారణంగా రెండు రోజుల్లో తగ్గిపోతుంది. కానీ అంతకు మించి ఉంటేనే సమస్య.. కాబట్టి నాలుక కాలినప్పుడు ఇంట్లో అందుబాటులో ఉన్నది ఏదో ఒక రెమెడీని పాటించడం ఉత్తమం..
