సోషల్ మీడియా ఇప్పుడు సందడంతా ప్రాజెక్ట్-కె సినిమాదే. నిన్న ఈ మూవీ టీమ్ ప్రభాస్ పోస్టర్ను రిలీజ్ చేయడంతో మీమ్స్, రీల్స్, రియాక్షన్లతో నెట్టింట హోరెత్తిస్తున్నారు నెటిజన్లు. మరోవైపు ఈ టైటిల్ గ్లింప్స్ లాంఛ్ కోసం రెబల్ స్టార్ ప్రభాస్ .. అమెరికాలోని శాన్ డీగో ప్రఖ్యాత కామిక్ కాన్ ఈవెంట్కు వెళ్లిన సంగతి తెలిసిందే.
కామిక్ కాన్ ఈవెంట్లో ప్రాజెక్ట్ కె సినిమా ప్రమోషన్స్ హడావుడి షురూ అయింది. ఈ ఈవెంట్లో ప్రభాస్ అల్ట్రా స్టైలిష్ లుక్లో సందడి చేశాడు. బ్లూ కలర్ సూట్లో సూపర్గా కనిపించాడు. ప్రస్తుతం ప్రభాస్ న్యూ లుక్ సోషల్ మీడియాలో వైరల్ అవుతోంది.
మరోవైపు ఈ మూవీలో రైడర్సే ప్రతినాయకులు అని గతంలో బాగా ప్రచారం జరిగింది. ఈ క్రమంలో కామిక్ కాన్ ఈవెంట్కు భారీ ఎత్తున రైడర్స్ వచ్చారు. బ్లాక్ సూట్స్తో శరీరమంతా కవర్ చేసి.. ఈవెంట్కు హాజరయ్యారు. Now Begins The End అంటూ బ్యానర్స్ పట్టుకొని ఈవెంట్ దగ్గర హడావిడి చేస్తున్నారు. ఆ ఈవెంట్కు వచ్చే ఆడియెన్స్తో సరదాగా ఫొటోలు దిగుతున్నారు.
