Bedurulanka 2012 : వచ్చాడ్రా..శివుడొచ్చాడ్రా అంటూ హీరో కార్తికేయ రచ్చ

టాలీవుడ్‌ యంగ్‌ హీరో కార్తికేయ తన నెక్స్ట్ సినిమాకు రెడీ అయ్యారు. నేహా శెట్టి హీరోయిన్ గా క్లాక్స్‌ దర్శకత్వంలో ఓ చిత్రం రూపొందుతోంది. ఈ సినిమాకి ‘బెదురులంక 2012’ అనే టైటిల్‌ ఖరారు చేశారు. రవీంద్ర బెనర్జీ ముప్పానేని నిర్మాత. ఎల్బీ శ్రీరామ్‌, అజయ్‌ ఘోష్‌, సత్య తదితరులు కీలక పాత్రలు పోషిస్తున్నారు.

అయితే ఇవాళ ఈ సినిమా మోషన్‌ పోస్టర్‌, టీజర్‌ ను అధికారికంగా రిలీజ్‌ చేశారు. హీరో నాని చేతుల మీదుగా మోషన్‌ పోస్టర్‌ ను రిలీజ్‌ చేశారు. ఈ సందర్భంగా చిత్ర దర్శకుడు మాట్లాడుతూ..“కామెడీ డ్రామాగా.. గోదావరి నేపథ్యంలో సాగే కథతో ఈ చిత్రాన్ని తెరకెక్కిస్తున్నాం. మణిశర్మ ఐదు అద్భుతమైన పాటలిచ్చారు. ఇందులో ఓ పాటకు సిరివెన్నెల సీతారామశాస్త్రి సాహిత్యమందించారు’’ అని దర్శకుడు తెలిపారు. ఇక ఈ మోషన్‌ పోస్టర్‌ లో హీరో కార్తికేయ చాలా పవన్‌ ఫుల్‌ గెటప్‌ లో కనిపించాడు.