టాలీవుడ్ చాక్లెట్ బాయ్ / ఎనర్జిటిక్ స్టార్ రామ్ పోతినేని.. డ్యాషింగ్ డైరెక్టర్ బోయపాటి శ్రీను కాంబినేషన్లో ఓ సినిమా తెరకెక్కుతున్న విషయం తెలిసిందే. ఇందులో రామ్కు జోడీగా శ్రీలీల నటిస్తోంది. అయితే ఈ సినిమా నుంచి తాజాగా ఓ లేటెస్ట్ అప్డేట్ వచ్చింది. ఈ చిత్రాన్ని సెప్టెంబర్ 15న విడుదల చేస్తున్నట్లు చిత్ర బృందం ప్రకటిస్తూ ఓ సూపర్ పోస్టర్ రిలీజ్ చేసింది. ఆ పోస్టర్లో.. ఓ పల్లెటూరి వాతావరణంలో మంచంపై పంచెకట్టులో కూర్చున్న రామ్.. ఇక ఆయన చేతిలో ఓ కాఫీ కప్.. ఇలా పచ్చటి పొలాల మధ్య స్టైలిష్ లుక్లో రామ్ కనిపిస్తున్నారు. ‘వీ ఆర్ కమింగ్ ఇన్ ఎర్లీ'( మేము ముందుగానే వచ్చేస్తున్నాము) అంటూ ఆ పోస్ట్ను షేర్ చేసిన మూవీ టీమ్ అందులో ప్టెంబర్ 15న సినిమాను విడుదల చేస్తున్నట్లు ప్రకటించారు.
అప్పట్లో ఈ సినిమాను అక్టోబర్ 20న విడుదల చేయనున్నట్లు తెలిపారు. దీంతో ఈ సినిమా కోసం దసరా వరకు వేచి చూడాలనుకున్న అభిమానులకు ఈ వార్త తీయ్యటి కబురులా అనిపించింది. అయితే ఇప్పటికీ ఆ పోస్టర్లో ‘బోయపాటిరాపో’ అనే వర్కింగ్ టైటిలే ఉంది. ఈ చిత్రానికి టైటిల్ ఏం పెడతారా అని ప్రేక్షకులు ఆత్రుతగా ఎదురుచూస్తున్నారు.
We are coming in Early..
15th of Sep,2023. https://t.co/v5SKaUMkkn
— RAm POthineni (@ramsayz) June 23, 2023
