టాలీవుడ్ దర్శకధీరుడు రాజమౌళి తెరకెక్కించిన ఆర్ఆర్ఆర్ సినిమా అంతర్జాతీయ స్థాయిలో తన సత్తా చాటుతోంది. ఇప్పటికే పలు అంతర్జాతీయ అవార్డులు సొంతం చేసుకున్న ఈ సినిమా హాలీవుడ్లో తన హవా కొనసాగిస్తూనే ఉంది. తాజాగా ఈ సినిమాకు మరో అరుదైన గౌరవం దక్కింది.
తాజాగా ఆర్ఆర్ఆర్ సినిమా హాలీవుడ్ క్రిటిక్స్ అసోసియేషన్ పురస్కారాల్లో తన సత్తా చాటింది. బెస్ట్ యాక్షన్ ఫిల్మ్, బెస్ట్ ఇంటర్నేషనల్ ఫీచర్ ఫిల్మ్, బెస్ట్ ఒరిజినల్ సాంగ్తోపాటు స్టంట్ విభాగాల్లో ఆర్ఆర్ఆర్ అవార్డులను కైవసం చేసుకుంది.
బెస్ట్ యాక్షన్ ఫిల్మ్ క్యాటగిరీలో టాప్ గన్, బ్యాట్మాన్ వకండా ఫరెవర్ లాంటి హాలీవుడ్ బిగ్గెస్ట్ ఫిల్మ్ను దాటేసి ఆర్ఆర్ఆర్ ఆవార్డును దక్కించుకోవడం గమనార్హం. బెస్ట్ స్టంట్స్ క్యాటగిరీలో ఈ సినిమాకే అవార్డు వచ్చింది. అలాగే బెస్ట్ ఒరిజినల్ సాంగ్ విభాగంలో నాటు నాటు పాట కూడా అవార్డును గెలుచుకుంది. బెస్ట్ ఇంటర్నేషనల్ ఫీచర్ ఫిల్మ్ విభాగంలో పలు దేశాల సినిమాలతో పోటీపడి ఆర్ఆర్ఆర్ అవార్డు అందుకుంది. ఈ హాలీవుడ్ క్రిటిక్స్ అసోసియేషన్ అవార్డుల ప్రదానోత్సవ వేడుకలో హీరో రామ్చరణ్, రాజమౌళి, కీరవాణితో పాటు ఆర్ఆర్ఆర్ టీమ్ మొత్తం పాల్గొన్నారు.
.@ssrajamouli & @AlwaysRamCharan’s acceptance speech for the Best International Film Award at @HCAcritics !! #HCAAwards #RRRMovie pic.twitter.com/QEK3QxR4cQ
— RRR Movie (@RRRMovie) February 25, 2023
