‘కార్తికేయ2’ సినిమాతో హీరో నిఖిల్ పాన్ ఇండియా స్థాయిలో గుర్తింపు తెచ్చుకున్నాడు. ఆ తర్వాత 18 పేజెస్తో మరో హిట్ అందుకున్నాడు. డిఫరెంట్ కంటెంట్తో కూడిన సినిమాలు ఎంచుకుంటూ తన కెరీర్ గ్రాఫ్ను అలా పెంచేసుకుంటూ వెళ్తున్నాడు నిఖిల్. 18 పేజెస్ తర్వాత ఈ యువ హీరో మరో సరికొత్త సినిమాకు గ్రీన్ సిగ్నల్ ఇచ్చాడు.
‘స్పై’గా థ్రిల్‌ చేసేందుకు రెడీ అవుతున్నాడు నిఖిల్. ఛాయాగ్రహకుడు బీహెచ్‌.గ్యారీ తెరకెక్కిస్తున్న తొలి చిత్రమిది. కె.రాజశేఖర్‌ రెడ్డి నిర్మిస్తున్నారు. ఈ సినిమా వేసవి కానుకగా పాన్ ఇండియా స్థాయిలో విడుదల కానుంది. ఈ విషయాన్ని నిఖిల్ సామాజిక మాధ్యమాల ద్వారా వెల్లడించాడు. ఈ సందర్భంగా సినిమాలోని ఓ కొత్త లుక్‌ను పంచుకున్నాడు. అందులో ఆయన స్పైగా గన్‌ పట్టుకొని స్టైలిష్‌ లుక్‌తో కనిపించాడు. వినూత్నమైన స్టైలిష్‌ యాక్షన్‌ థ్రిల్లర్‌గా ముస్తాబవుతున్న ఈ చిత్రం ప్రస్తుతం శరవేగంగా చిత్రీకరణ జరుపుకుంటోంది. ఇందులో నిఖిల్‌కు జోడీగా ఐశ్వర్య మేనన్‌ నటిస్తోంది. శ్రీచరణ్‌ పాకాల స్వరాలందిస్తున్నారు.
Official Leak 😉
Will be MASSIVE, Multi Language, National Thriller #SPY
This Summer 🔥🔥🔥 in Theatres Across India 🇮🇳 pic.twitter.com/g95PvSyQgw— Nikhil Siddhartha (@actor_Nikhil) January 30, 2023
